पंतप्रधान मोदींनी शरद पवार यांच्या खासदारावर दिली मोठी जबाबदारी, नेमका काय घेतला निर्णय?

पंतप्रधान नरेंद्र मोदी यांनी एक मोठा निर्णय घेत शरद पवार गटाचे खासदार डॉ. अमोल कोल्हे यांच्यावर एक मोठी जबाबदारी सोपवली आहे. महात्मा फुले यांचे समाज कार्य अख्ख्या देशात पोहोचवण्यासाठी पंतप्रधान मोदींनी अमोल कोल्हेवर मोठी जबाबदारी दिली आहे. महात्मा फुलेंच्या 200 व्या जयंतीनिमित्त उच्चस्तरीय समिती तयार करण्यात आली आहे. या समितीतील सदस्यपदी खासदार अमोल कोल्हेंची निवड करण्यात आली आहे.

या समितीचे अध्यक्ष स्वत: पंतप्रधान नरेंद्र मोदी आहेत. कोल्हे यांची निवड झाल्याने अनेकांना आर्श्चयाचा धक्का बसला आहे. जवळपास 126 सदस्यीय राष्ट्रीय समितीत महाराष्ट्रातून डॉ. अमोल कोल्हेंची निवड होणे हे महत्त्वाचं मानलं जात आहे. दरम्यान भारत सरकार एप्रिल २०२६ ते एप्रिल २०२७ या वर्षभर चालणाऱ्या उत्सवांच्या माध्यमातून महात्मा ज्योतिबा फुले यांची २०० वी जयंती साजरी करत आहे.