Ramdas Kadam: मुख्यमंत्र्यांची जीभ हासडण्याची हिंमत आहे का? रामदास कदमांचा उद्धव ठाकरेंवर निशाणा

पुढचा आमदार योगेश कदमचं असेल असा दावा रामदास कदम यांनी यावेळी केला.
Ramdas Kadam targets Uddhav Thackeray
Ramdas Kadam targets Uddhav Thackeraysaamt tv

जितेश कोळी

रत्नागिरी : शिवसेना नेते रामदास कदम यांनी उद्धव ठाकरे यांच्या सभेनंतर आज पत्रकार परिषदे घेऊन त्यांचा समाचार घेतला आहे. शिवसेनेसाठी कोणतेही योगदान नसलेले उद्धव ठाकरे हे संजय कदम सारख्या चीनपाटच्या प्रवेशासाठी खेडला येतात आणि लोकांना भावनिक आवाहन करतात.

उद्धवजी तुम्ही एकदा नाही शंभर वेळा खेडला आलात तरी पुढचा आमदार योगेश कदमचं असेल असा दावा रामदास कदम यांनी यावेळी केला. बाळासाहेब ठाकरे यांच्या विचारांशी बेईमानी तुम्ही केली. बाळासाहेब असते तर राष्ट्रवादी व काँग्रेसच्या सोबत जाऊन तुम्हाला मुख्यमंत्री होता आले असते का? असा सवाल देखील रामदास कदम यांनी यावेळी उपस्थित केला.  (Maharashtra Politics)

Ramdas Kadam targets Uddhav Thackeray
Uddhav Thackeray Speech: होय आम्ही शिवसेनाच... निवडणूक आयोगाचा निकाल मान्य नाही; उद्धव ठाकरे बरसले

उद्धव ठाकरे यांनी मुख्यमंत्री एकनाथ शिंदे यांना उद्देशून बोलताना, आम्हाला देशद्रोही म्हणाल तर जीभ हासडून टाकू असं म्हटलं होतं. मुख्यमंत्र्यांची जीभ हसडण्याची भाषा करता, हिंमत आहे का? असा प्रतिसवालही रामदास कदम यांनी उद्धव ठाकरे यांच्या वक्तव्यावर केला. तसेच येत्या 19 मार्च रोजी खेडमध्ये सभा घेणार असल्याचीही माहिती त्यांनी यावेळी दिली.

Ramdas Kadam targets Uddhav Thackeray
Udhav Thackeray Speech: 'भाजपला गल्लीत कुत्रही विचारत नव्हतं...' खेडच्या सभेत उद्धव ठाकरे कडाडले; CM शिंदेंवर साधला निशाणा

भास्कर जाधवने आधी शिवसेनेच्या पाठीत खंजीर खुपसून राष्ट्रवादीत प्रवेश केला. त्यानंतर राष्ट्रवादीच्या पाठीत खंजीर खुपसून शिवसेनेत प्रवेश केला. उद्धवजींना खुश करण्यासाठी भास्कर जाधव हा बेईमान बाटगा भुंकत असल्याची टीका रामदास कदम यांनी यावेळी केली.

कोकण हा शिवसेनेचा बालेकिल्ला आम्ही बनवला आहे, तुम्ही पक्षासाठी काय योगदान दिले असा सवाल देखील रामदास कदम यांनी उपस्थित केला.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com