Chandrakant Khaire Vs Sandipan Bhumre
Chandrakant Khaire Vs Sandipan BhumreSaam TV

Chhatrapati Sambhajinagar News: लोकसभा लढवण्याची भुमरेंची औकात नाही, चंद्रकांत खैरेंचा पालकमंत्र्यांवर हल्लाबोल

Political News : संदीपान भुमरेचे जाळे, घोटाळे मी पत्रकार परिषद घेऊन बाहेर काढणार आहे.

Chhatrpati Sambhajinagar : आगामी लोकसभा निवडणुकीच्या पार्श्वभूमीवर सर्वच पक्षांनी उमेदवारांची चाचपणी सुरु केली आहे. अनेक ठिकाणी रंगतदार लढत होण्याच शक्यता आहे. यावरुन आता शिंदे आणि ठाकरे गटांमध्ये दंडाची थोपटा थोपटी सुरु झाली आहे. संभाजीनगर लोकसभेच्या जागेवर निवडणूक लढून चंद्रकांत खैरेंचं डिपॉझिट जप्त करुन दाखवेल, अशी टीका जिल्ह्याचे पालकमंत्री संदिपान भुमरे यांनी केली आहे.

मी आमदारकी मिळवून दिली

संदीपान भुमरे यांच्या आव्हानावर बोलताना ठाकरे गटाचे माजी खासदार चंद्रकांत खैरे यांनी म्हटलं, लोकसभा निवडणूक लढवण्याची भुमरेंची औकात नाही. त्या माणसाला मी स्वतः साहेबांकडे घेऊन गेलो होतो आणि आमदारकी मिळवून दिली होती. (Latest Marathi News)

Chandrakant Khaire Vs Sandipan Bhumre
Sharad Pawar News: राज्यात धार्मिक दंगली जाणीवपूर्वक घडवल्या जात आहेत; शरद पवार गंभीर आरोप

भुमरेंचे घोटाळे बाहेर काढणार

संदीपान भुमरेचे जाळे, घोटाळे मी पत्रकार परिषद घेऊन बाहेर काढणार आहे. लोकसभा निवडणुकीसाठी उद्धव ठाकरे यांचा पट्ट्या तयार आहे. दंड थोपटून शिंदे गटाला चंद्रकांत खैरेंनी आव्हान दिलं आहे. (Maharashtra Political News)

चंद्रकांत खैरे यांनी जिल्ह्याचे पालकमंत्री संदीपान भुमरे यांच्यावर टक्केवारी घेवून काम करत असल्याचा गंभीर आरोप केला होता. यासोबतच मतदारसंघ किंवा जिल्ह्याचा विकास न करता भुमरे यांनी स्वतःचा विकास करत दारुची दुकाने वाढवली, अशी टीकाही चंद्रकांत खैरेंनी केली होती.

Chandrakant Khaire Vs Sandipan Bhumre
Maharashtra Politics: "डबल इंजिन सरकारला ‘तेलपाणी’ करण्यासाठी वारंवार दिल्लीच्या सर्व्हिसिंग स्टेशनला जावं लागतंय"

या आरोपांना उत्तर देताना संदिपान भुमरे यांनी चंद्रकांत खैरे यांना लोकसभा निवडणुकीत उत्तर देणार असल्याचं म्हटलं. लोकसभा निवडणुकीत खैरेंचं डिपॉझिट जप्त केलं नाही तर भूमरे आडनाव सांगणार नाही, असं त्यांनी म्हटलं.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Marathi News Saam TV
saamtv.esakal.com