Nandurbar News : दुष्काळात तेरावा महिना... आधीच पाणीपुरवठ्यात कपात त्यात जलवाहिनी फुटली; नंदुरबारकर चिंतेत

- सागर निकवाडे

Nandurbar News : नंदुरबार शहरातील जेके पार्क परिसरात पाईपलाईन फुटल्याने हजारो लिटर पाणी वाया गेलं आहे. नंदुरबार शहर आणि परिसरात दमदार पाऊस पडत नसल्याने आधीच पाण्याचे संकट आले आहे. त्यात जलवाहिनी फुटल्याने दुष्काळात तेरावा महिना अशी पालिकेवर वेळ आली आहे. (Maharashtra News)

नंदुरबार शहराला पाणीपुरवठा करणाऱ्या विरचक धरणात ४० टक्के पाणीसाठा (virchak dam water level) असल्याने नंदुरबार शहराला दोन दिवसाआड पाणीपुरवठा केला जात आहेत. आज नंदुरबार शहरातील जेके पार्क या परिसरात पाईपलाईन फुटल्याने हजारो लिटर पाणी वाया गेलं आहे.

शहरात अधीच पाणी टंचाई निर्माण होणार आहे तर त्यातच पाईपलाईन फुटल्याने मोठ्या प्रमाणावर पाणी वाया गेला आहे. परंतु काही काळानंतर पालिका प्रशासनाने तात्काळ दुरुस्तीचे काम सुरू केलं होतं. परंतु मोठ्या प्रमाणावर पाणी वाया गेला आहे.

त्यामुळे पालिके प्रशासनाने वाया जाणाऱ्या पाण्यावरती लक्ष देणे गरजेचे झालं आहे. अनेक ठिकाणी पाणी गळती होत आहे. त्यामुळे देखील मोठ्या प्रमाणात पाणी वाया जात आहे. यासाठी पालिका प्रशासनाने या गोष्टींकडे आता लक्ष देणे गरजेचे असल्याचे शहरातील नागरिक म्हणत आहेत.

Edited By : Siddharth Latkar