Pimpri Chinchwad : पिंपरी चिंचवड शिवसेना ठाकरे गटाच्या बैठकीत जोरदार राडा; बंडखोरीतीळ अर्ज मागे घेण्यासाठी होती बैठक

पिंपरी चिंचवड : पिंपरी चिंचवड शहरातील महाविकास आघाडीतील विधानसभा निवडणूक बंडखोरी टाळण्यासाठी आज शिवसेना ठाकरे गटाची बैठक बोलाविण्यात आली होती. या बैठकीत मतदारसंघात झालेली बंडखोरी मागे घेण्याबाबत चर्चा सुरु होती. यामुळे बैठकीत गोंधळ निर्माण झाला होता. यावेळी नाराज पदाधिकाऱ्यांनी व कार्यकर्त्यांनी जोरदार घोषणाबाजी केली. 

पिंपरी चिंचवड (Pimpri Chinchwad) शहर विधानसभा मतदारसंघात झालेल्या बंडखोरीच्या अनुषंगाने शिवसेना ठाकरे गट संपर्कप्रमुख सचिन अहिर, पिंपरी-चिंचवड शहराध्यक्ष अँड. सचिन भोसले आणि संजोग वाघेरे यांनी पदाधिकाऱ्यांची संयुक्त बैठक एका बँकवेट हॉलमध्ये घेतली होती. या बँकवेट हॉलमध्ये (Bhosari) भोसरी विधानसभा क्षेत्राच्या पदाधिकाऱ्यांनी बैठक सुरू असताना जोरदार घोषणाबाजी आणि राडा झाला आहे. यामुळे काही वेळ बैठकीत गोंधळाची परिस्थिती निर्माण झाली होती. 

भोसरी विधानसभा क्षेत्रात शिवसेनेचे बंडखोर पदाधिकारी रवी लांडगे यांनी बंडखोरी करत अपक्ष उमेदवारी दाखल केला आहे. तर पिंपरी विधानसभा क्षेत्रात शिवसेनेचे माजी आमदार गौतम चाबुकस्वार यांनी अपक्ष उमेदवारी अर्ज दाखल करत बंडखोरी केली आहे. आता सचिन अहिर यांच्या शिष्टाईनंतर रवी लांडगे आणि गौतम चाबुकस्वार आपला अर्ज मागे घेऊन बंडखोरी टाळणार का ? या कडे सर्वांचे लक्ष लागून आहे.