Nandurbar News : भरधाव बस मेंढ्याच्या कळपात घुसली; १३ मेंढ्यांचा मृत्यू, नंदुरबार- नवापूर रस्त्यावरील घटना

सागर निकवाडे 

नंदुरबार : नंदुरबार ते नवापूर रस्त्यावर खामगाव शिवारात रस्ता ओलांडणाऱ्या मेंढ्यांच्या कळपास भरधाव वेगातील एसटी बसने धडक देत चिरडले. यात १३ मेंढ्या जागीच ठार झाल्या. तर काही मेंढ्या जखमी झाल्याची घटना घडली आहेत. 

नंदुरबार ते नवापूर मार्गावर आज (Nandurbar) सकाळच्या सुमारास हि घटना घडली आहे. दरम्यान खामगाव शिवारात मेंढपाळ मेंढ्या चारण्यासाठी गेले होते. यावेळी रस्ता ओलांडत असताना भरधाव वेगाने आलेली राज्य परिवहन महामंडळाची बस चालकाने ब्रेक न मारता थेट मेंढ्यांमध्ये घुसवली. यात मेंढ्या चिरडल्या गेल्या असून या (Accident) अपघातात १३ मेंढ्या मृत्युमुखी पडल्या आहेत. तर काही मेंढ्या जखमी झाल्याने मेंढपाळाचे मोठे नुकसान झाले आहे.

दरम्यान अपघात घडताच एसटी बस चालक घटनास्थळावरून पसार झाला. त्यावेळी मेंढपाळांनी दुचाकीवर जात एसटी बसचा पाठलाग केला. मात्र बसचालकाने बस भरधाव वेगाने नेल्याने ते मिळून आले नाही. दरम्यान याप्रकरणी एसटी बस चालकाविरुद्ध नंदुरबार तालुका पोलीस ठाण्यात गुन्हा दाखल करण्यात आला आहे.