Breaking News : एसटी चालकास चाेपले; प्रवाशावर गुन्हा दाखल

पंढरपूर : मंगळवेढा आगारातील एसटी चालकास (bus driver) प्रवाशाने मारहाण केल्याची घटना घडली आहे. या घटनेमुळे मंगळवेढा आगारातील एसटी कर्मचारी तीव्र नाराज झाले आहेत. संबंधितावर कठाेर कारवाई व्हावी अशी मागणी कर्मचा-यांनी केली आहे. (pandharpur latest marathi news)

सोलापूर (solapur) जिल्ह्यातील नातेपुते जवळील एका हॉटेलवर एसटी बस थांबली असता ही मारहाणीची घटना घडली आहे. फारूक इनामदार असे मारहाण झालेल्या एसटी चालकाचे नाव आहे. याप्रकरणी ज्ञानेश्वर किसन उराडे या प्रवाशाच्या विरोधात नातेपुते (natepute) पोलीस ठाण्यात गुन्हा दाखल करण्यात आला आहे.

पुण्याहून (pune) मंगळवेढाकडे (mangalvedha) निघालेली एसटी बस काल रात्री नातेपुते जवळील एका हॉटेलवर थांबली होती गाडी निघण्यास उशीर का केला म्हणून संशयित आरोपी ज्ञानेश्वर उराडे यांनी एसटी चालक फारूक इनामदार यांना शिवीगाळ करत हाताने मारहाण केली. याबाबत इनामदार यांनी पाेलीस ठाण्यात तक्रार नाेंदवली. पाेलीसांनी उराडे यांच्यावर गुन्हा दाखल केला आहे.

Edited By : Siddharth Latkar