हद्दच झाली राव! खासदार, आमदारांनी बाेलाविलेल्या बैठकीत अधिकारी खेळत हाेते कॅंडी क्रश

- कैलास चाैधरी

उस्मानाबाद : उस्मानाबाद (osmanabad) जिल्ह्यात खासदार ओमप्रकाश राजेनिंबाळकर (omraje nimbalkar) आणि आमदार कैलास पाटील (kailas patil) यांच्या उपस्थित आयाेजिलेल्या एका बैठकीत अधिकारी चक्क मोबाईलवर गेम्स (games) खेळणे, रेसिपी पाहणे, फेसबुकवर व्यस्त असल्याचे दिसून आले. यामुळे अधिकारी वर्गास बैठकीचे गांभीर्य नसल्याचे दिसून आले. (osmanabad latest marathi news)

उस्मानाबाद जिल्ह्यात खासदार ओमप्रकाश राजेनिंबाळकर आणि आमदार कैलास पाटील यांच्या उपस्थित जिल्हास्तरीय दिशा समितीच्या बैठकीचे आयोजन करण्यात आले होते. या बैठकीत खासदार आणि आमदार यांच्याकडून विविध विकास कामांचा आढावा घेण्यात येत होता. मात्र अधिकारी चक्क मोबाईलवर व्यस्त होते. कोणी रेसिपी पाहत होते तर काेण फेसबुकवर व्यस्त होते तर काही महिला अधिकारी या कँडी क्रश गेम खेळण्यात व्यस्त असल्याचे दिसून आले.

जिल्ह्यात विविध विकास कामे राबवण्यात येत आहेत मात्र ती कामे वेळेवर पूर्ण होत नसल्याच्या लोकांच्या तक्रारी आहेत. यामुळे जिल्हा परिषदेचे मुख्य कार्यकारी अधिकारी राहुल गुप्ता यांच्या उपस्थित खासदार ओमप्रकाश राजेनिंबाळकर आणि आमदार कैलास पाटील यांच्या अध्यक्षतेखाली दिशा समितीची बैठक घेण्यात आली. या बैठकीत देखील काेणी अधिकारी गांभीर्याने आला नव्हता असेच दिसून आले.

Edited By : Siddharth Latkar