Parbhani Jintur City News
Parbhani Jintur City News Saam TV

Parbhani News: खेळता खेळता विजेच्या खांबाला हात लागला; शॉक लागल्याने ३ वर्षीय चिमुकलीचा जागीच मृत्यू

Jintur City News: परभणी जिल्ह्यातील जिंतूर शहरात विजेच्या खांबाला हात लावल्याने ३ वर्षीय मुलीचा शॉक लागून मृत्यू झाला.
Published on

Parbhani Jintur City News

घरासमोर असलेल्या मोकळ्या जागेत खेळताना ३ वर्षीय चिमुकलीने नकळत विजेच्या खांबाला हात लावला. इलेक्ट्रिक पोलमध्ये विद्युत प्रवाह उतरल्यामुळे तिला शॉक लागला. कुटुंबियांनी रुग्णालयात दाखल करण्यापूर्वीच वाटेतच चिमुकलीचा मृत्यू झाला. ही दुर्देवी घटना परभणी जिल्ह्यातील जिंतूर शहरात मंगळवारी (२० फेब्रुवारी) पहाटेच्या सुमारास घडली. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

Parbhani Jintur City News
Sambhajinagar News: पोलीस भरतीची तयारी करणाऱ्या तरुणीने संपवलं जीवन; छत्रपती संभाजीनगरमधील धक्कादायक घटना

फरीया अलीम शेख (वय ३०) असं मृत चिमुकलीचं नाव आहे. फरीयाच्या मृत्युने परिसरातून हळहळ व्यक्त केली जात आहे. महावितरणच्या गलथान कारभारामुळे फरीयाचा जीव गेल्याचा आरोप तिच्या कुटुंबियांनी केला आहे. या घटनेला जबाबदार असलेल्यांवर कारवाई करा, अशी मागणी देखील शेख कुटुंबियांनी केली आहे. (Latest Marathi News)

मिळालेल्या माहितीनुसार, जिंतूर शहरातील (Parbhani News) आठवडी बाजार परिसरातील अलीम शेख आपल्या कुटुंबासहित राहतात. मोलमजुरी करत ते कुटुंबाचा उदरनिर्वाह करतात. मंगळवारी नेहमीप्रमाणे अलीम हे सकाळी उठून कामावर गेले.

यावेळी फरीया आणि तिची आई दोघेच घरात होते. आई घरकामात व्यस्त असताना फरीया झोपेतून उठून घराबाहेर असलेल्या मोकळ्या जागेत खेळायला गेली. खेळता खेळता तिने नकळत विद्युत खांबास स्पर्श केला. जबर शॉक लागल्याने फरीया जागेवर बेशुद्ध पडली.

परिसरातील नागरिकांनी आरडाओरड केली असता फरीयाच्या आईने घराबाहेर धाव घेतली. दरम्यान, बेशुद्ध अवस्थेत चिमुकलीला रुग्णालयात दाखल करण्यात आलं. मात्र, डॉक्टरांनी तपासून तिला मृत घोषित केलं. या घटनेनंतर शासकीय रुग्णालयात नागरिकांनी मोठी गर्दी केली होती.

Parbhani Jintur City News
Pune Crime News: संशयाचं भूत मानगुटीवर, चारित्र्यावरील संशयातून पतीचं पत्नीसोबत भयानक कृत्य, पुण्यातील घटना

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Marathi News | Saam TV
saamtv.esakal.com