Paper Leak In Amravati: परीक्षेआधी थेट व्हॉट्सअ‍ॅपवर प्रश्नपत्रीका; LLB पेपर फुटी प्रकरणी भाजपच्या माजी नगरसेवकाचा हात

अमर घटारे, अमरावती

LLB Paper Leak: अमरावतीमधून पेपर फुटीची मोठी बातमी समोर आली आहे. संत गाडगेबाबा अमरावती विद्यापीठात विधी (LLB) विषयाचा पेपर परिक्षेआधीच फोडण्यात आला आहे. या घटनेत भाजपच्या माजी नगरसेवकाचा हात असल्याचे समजले आहे. पोलिस या प्रकरणी अधिक तपास करत आहेत. (Latest Paper Leak News)

मिळालेल्या अधिक माहितीनुसार, 'शासकीय विदर्भ ज्ञान विज्ञान संस्था' अमरावतीमध्ये लॉ ऑफ स्ट्रट विषयाची फस्ट सेम बॅकलॉकची परीक्षा सुरू होती. यावेळी भाजपचे माजी नगरसेवक प्रणित सोनी यांनी मोबाईलमध्ये प्रश्नपत्रीकेचे फोटो काढून घेतले. त्यानंतर व्हाट्सअ‍ॅपवरून परीक्षा सुरू होताच बाहेरच्या एका व्यक्तीला पेपर शेअर केला.

परीक्षा केंद्रावर शिक्षकांना मोबाईल कसा दिला गेला हा महत्त्वाचा प्रश्न या ठिकाणी उपस्थित झालाय. तसेच परीक्षा केंद्रावर दोन वेगवेगळ्या रूममधील विद्यार्थी एकाच रूममधे आढळले आहेत. तर दुसऱ्या रूममध्ये त्या विद्यार्थ्याला गैरहजर दाखविण्यात आलं आहे. या प्रकरणामुळे अमरावती शासकीय ज्ञान विज्ञान संस्थेचा भोंगळ करभार चव्हाट्यावर आलाय.

दरम्यान या संपूर्ण प्रकरणी भाजपच्या माजी नगरसेवकाचे नाव समोर येत आहे. त्यांनीच हा पेपर फोडल्याचं म्हटलं जात आहे. सदर घटनेमुळे परीक्षा केंद्राबाहेर एकच खळबळ उडाली.