Pandhrapur Crime: पंढरपुरात दोन गटात तुफान हाणामारी; तलवार, रॉडने एकमेकांना मारहाण

भरत नागणे, साम प्रतिनिधी

पंढरपूर शहरानजीक असलेल्या टाकळी गावात दोन गटात तुफान हाणामारी झाल्याची घटना घडलीय. तलवार, रॉड आणि बंदुकीने एकमेकांनावर हल्ला करण्यात आला असून. या मारहाणीत ७ ते ८ जण जखमी झालेत. याप्रकरणी पंचनामा करत पोलीस स्टेशनमध्ये गुन्हा दाखल करण्यात येत आहे.

हाती आलेल्या माहितीनुसार, शिवसेना शिंदे गट आणि राष्ट्रवादी शरद पवार गटात हाणामारी झाली असल्याचं सांगण्यात येत आहे. शिवसेना शिंदे गटाचे नेते महेश साठे टाकळी गावचे सरपंच संजय साठे यांनी तलवारीने मारहाण केल्याचा आरोप राष्ट्रवादी शरद पवार गटाचे शहराध्यक्ष संदीप मांडवे यांनी केलाय.शिवसेना शिंदे गटाच्या मारहाणीत राष्ट्रवादी शरद पवार गटाचे सात ते आठ कार्यकर्ते गंभीर जखमी झालेत. पंढरपूर शहर आणि परिसरात तणावाचे वातावरण असून पोलीस घटनास्थळी दाखल झाले आहेत.