Pandharpur News : पंढरपुरात २४ लाख रूपये किंमतीचे सोन्याचे दागिने पकडले; गर्दीत भाविकांचे दागिने लांबविणारी टोळी ताब्यात

Pandharpur News : पंढरपुरात आषाढी एकादशीनिमित्ताने दर्शनांसाठी लाखो भाविक दाखल होत आहेत. आताच नव्हे तर मागील काही दिवसांपासून भाविकांची गर्दी सुरूच आहे.
Pandharpur News
Pandharpur PoliceSaam tv

पंढरपूर : पंढरपुरात विठुरायाच्या दर्शनासाठी आलेल्या भाविकांच्या गर्दीत चोरटे हात साफ करत होते. पंढरपूर शहर पोलिसांनी गेल्या काही दिवसांत नामदेव पायरी व बस स्थानक परिसरातून भाविकांचे चोरीला गेलेले २४ लाख १४ हजार रुपयांचे सोन्याचे दागिने शोधून काढून ते जप्त केले आहेत. या प्रकरणी १३ चोरट्यांना पोलिसांनी जेरबंद केले आहे.

Pandharpur News
Khamgaon Heavy Rain : खामगाव तालुक्यात अतिवृष्टी; शेतातील पिके गेली वाहून, शेताला तलावाचे स्वरूप

पंढरपुरात (Pandharpur) आषाढी एकादशीनिमित्ताने दर्शनांसाठी लाखो भाविक दाखल होत आहेत. आताच नव्हे तर मागील काही दिवसांपासून भाविकांची गर्दी सुरूच आहे. या गर्दीत चोरटे संधी साधत असल्याचे पाहण्यास मिळाले. गेल्या काही महिन्यांत विठ्ठल मंदिर परिसरातून  भाविकांच्या अंगावरील दागिने चोरीला गेल्याच्या घटना घडल्या आहेत. वारीच्या तोंडावर पंढरपूर शहर पोलिसांनी (Police) मागिल काही महिन्यात झालेल्या चोऱ्यांचा तपास केला असता यामध्ये १३ संशयित आरोपींना अटक करून त्यांच्याकडून ३४ तोळे ४ ग्रॅम वजनाचे सोन्याचे विविध दागिने हस्तगत केले आहेत. 

Pandharpur News
Lasalgaon Accident : दारू वाहतूक करणाऱ्या वाहनाचा पाठलाग करताना अपघात; सीमा शुल्क विभागाचा चालक ठार, २ पोलीस कर्मचारी जखमी

पोलीस यंत्रणा सज्ज 

दरम्यान यंदाची आषाढी वारीसाठी मोठी गर्दी होणार आहे. या गर्दीचा फायदा उचलत चोरटे हात साफ करत असतात. यामुळे वारकऱ्यांच्या सुरक्षेसाठी पोलीस सज्ज झाले आहेत. शिवाय यात्रा कालावधीत ड्रंक अँड ड्राईव्हच्या घटना घडू नयेत, यासाठी राष्ट्रीय महामार्गावरील प्रत्येक टोल नाक्यावर वाहन चालकांची तपासणी केली जाणार असल्याचे  पोलीस अधीक्षक शिरीष सरदेशपांडे यांनी सांगितले.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News Saam TV
saamtv.esakal.com