Gautami Patil: लावणी डान्सर गौतमी पाटीलच्या नावाने ‘गौतमी थाळी’; काय आहे स्‍पेशल पाहा..

पंढरपूर : सतत कोणत्या ना कोणत्या कारणाने चर्चेत असलेल्या लावणी नृत्यांगणा गौतमी पाटील सध्या सोलापूर जिल्ह्यात वेगळ्याच कारणाने चर्चेत आली आहे. ते म्‍हणजे गौतमी पाटीलच्‍या नावाने जेवणाची स्‍पेशल गौतमी थाळी सुरू करण्यात आली आहे. (Latest Marathi News)

सोलापूर (Solapur) जिल्ह्यातील टेंभुर्णी येथील हॉटेल सुमनमध्ये गौतमी पाटील हिच्या नावे स्पेशल थाळी सुरू केली आहे. गौतमी पाटील या नावाने सुरू केलेल्या थाळीला खवय्यांचाही चांगला प्रतिसाद मिळत आहे. विशेष म्हणजे गौतमी पाटीलच्या तिन्ही आवडीच्या भाज्या या थाळीत समाविष्‍ठ केल्‍या आहेत.

अशी आहे स्‍पेशल गौतमी थाळी

सदरची थाळी 240 रुपयांना सुरू करण्यात आली आहे. या थाळीमध्ये सहा रोटी, पनीर, काजू मसाला आणि भेंडी अशा तीन भाज्यांचा समावेश आहे. या थाळीमध्ये चार जणांचे पोटभर जेवण होते. यामुळे ही थाळी अनेकांसाठी आवडीची ठरत आहे.