Pandharpur News : गुढीपाडवानिमित्त विठ्ठल दर्शनासाठी भाविकांची गर्दी; एक किलोमीटर अंतरापर्यंत रांग
पंढरपूर : विठुरायाच्या दर्शनासाठी भाविक नेहमीच आतुर असतात. यात आज मराठी नववर्ष व गुढीपाडव्याच्या निमित्ताने (Pandharpur) पंढरपुरात विठ्ठल रुक्मिणी दर्शनासाठी भाविकांची मोठी गर्दी झाली आहे. पदस्पर्श दर्शन बंद असले तरी देखील मुख दर्शनासाठी भाविक पंढरपुरात आले आहेत. (Breaking Marathi News)
सध्या विठ्ठल मंदिराचे संवर्धन आणि जिर्णोध्दाराचे काम सुरू आहे. (Vitthal Mandir) त्यामुळे भाविकांना देवाचे पदस्पर्श दर्शन बंद आहे. तरी ही नवीन मराठी वर्षाची सुरुवात विठ्ठल दर्शनाने व्हावी; या भावनेतुन हजारो भाविक पंढरीत दाखल झाले आहेत. (Gudi Padwa) गुढीपाडव्याला शासकीय सुटी असल्याने अनेक भाविक पंढरपुरात दाखल झाले आहेत. मुख दर्शनाची रांग मंदिरापासून एक किलोमीटर अंतरावर गेली आहे. अजूनही दर्शनासाठी येणाऱ्या भाविकांचा ओघ सुरूच असून भाविकांच्या गर्दीने मंदिर व परिसर फुलून गेला आहे.
('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)
साखर, खोबरा वाटीचा हार
मराठी नववर्षानिमित्त भाविकांना सावळ्या विठुरायाचे लांबून का होईना दर्शन घेवून नव वर्षाचा संकल्प करतील. यासाठी मंदिर समितीची देखील तयारी झाली असून, गुढीपाडव्याच्या निमित्ताने विठुरायाला आज साखरेचा आणि खोबऱ्याच्या वाटीचा हार परिधान करण्यात आला आहे. त्यामुळे देवाचे सोज्वळ रूप अधिकच खुलून दिसत आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.