एकनाथ शिंदेंनी मोठा डाव टाकला; पश्चिम महाराष्ट्रातील बड्या नेत्यांनी हाती घेतला धनुष्यबाण

भरत नागणे, साम टीव्ही

पंढरपूर: उपमुख्यमंत्री एकनाथ शिंदे यांच्या उपस्थितीत पंढरपुरच्या नगराध्यक्षा प्राणिता भालके यांनी शिवसेनेत अधिकृत प्रवेश केला. यावेळी भगिरथ भालके आणि अनिल सावंत यांनीही शिंदे यांच्या नेतृत्वावर विश्वास व्यक्त करत शिवसेनेचा धनुष्यबाण हाती घेतला.

या पक्षप्रवेश सोहळ्यामुळे सोलापूर जिल्ह्यात शिवसेनेची ताकद आणखी वाढणार असल्याचे राजकीय जाणकारांचे म्हणने आहे. पक्षप्रवेशावेळी एकनाथ शिंदे यांनी नव्याने प्रवेश करणाऱ्या नेत्यांचे स्वागत करत शिवसेना सर्वसामान्यांच्या विकासासाठी कटिबद्ध आहे. नव्या सहकाऱ्यांच्या सहभागामुळे पक्ष अधिक मजबूत होईल असा विश्वास व्यक्त केला.