पंढरपूर : पंढरपूर तालुक्यातील करकंब गावात हादरवून टाकणारी घटना घडली आहे. पत्नीला कला केंद्रावर नाचण्यासाठी पाठविल्याचा गैरसमज करून घेत सासरच्या मंडळींकडून भयानक कृत्य करण्यात आले आहे. यात सावत्र दिराने महिलेच्या मानेवर कुऱ्हाडीने प्रहार करत हत्या केली आहे. या घटनेने परिसरात खळबळ उडाली असून पोलीस या प्रकरणी तपास करत आहेत.
पंढरपूर तालुक्यातील करकंब गावात सदरची धक्कादायक घटना घडली आहे. या घटनेत हेमा आकाश काळे असं खून झालेल्या महिलेचे नाव आहे. तर हेमा काळे या महिलेचा सावत्र दीर मुकुंदराजा यांच्यासह सावत्र सासू आणि सासरा यांनी कुऱ्हाडीने वार करून खून केला आहे. दरम्यान हा घटनेत मुकुंदराजा याची पत्नी मागील एक महिन्यापासून जामखेड येथे कला केंद्रावर नाचण्याकरिता जात होती.
संशयातून केली हत्या
आपल्या पत्नीला सावत्र जाऊ मयत हेमा हिने शिकवून पाठविल्याचा संशय मुकुंदराजा याच्या मनात होता. यामुळे दीर मुकुंदराजा आणि सावत्र सासू, सासरा हे सर्वजण आकाश आणि त्याची पत्नी हेमा यांच्यावर संतप्त झालेले होते. याच रागातून मुकुंदराजा याने सावत्र भावजय हेमा हिच्या मानेवर कुऱ्हाडीने घाव घालत हत्या केली आहे. घटनेची माहिती मिळताच करकंब पोलिसात गुन्हा दाखल करण्यात आला असून या प्रकरणी पोलीस तपास करत आहेत.
कौठाळी येथे वकिलासह सहा जणांवर जीवघेणा हल्ला
पंढरपूर तालुक्यातील कौठाळी येथे वकिला सह सहा जणांवर जीवघेणा हल्ला करण्यात आला आहे. अवैध वाळू चोरीच्या तक्रारी केल्या प्रकरणी वाळू माफियांनी हल्ला केल्याची माहिती समोर आली आहे. तर या हल्ल्यात जखमी व्यक्तींना उपचारासाठी सामान्य रुग्णालयात दाखल केले आहे. पोलिस घटनास्थळी दाखल झाले असून तपास करत आहेत.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.