Crime News: शिवरस्त्याची मागणी करणाऱ्या शेतकऱ्यांना दाखवली पिस्तूल; चक्क पोलिसांसमोरच धमकावलं| व्हिडिओ व्हायरल

माढा तालुक्यातील तडवळे येथील रस्त्याची मागणी करणाऱ्या शेतकऱ्यांना पिस्तुल दाखवून धमकावल्याची घटना घडलीय. शहाजी पाटील असं धमकावणाऱ्या व्यक्तीचे नाव आहे. शहाजी पाटील यांनी गावातील काही शेतकऱ्यांचा शिवरस्ता अडवला होता. रस्ता खुला करून द्यावा या मागणीसाठी काही शेतकरी माढा तहसील कार्यालयासमोर उपोषणाला बसले आहेत. यादरम्यान आज महसूल अधिकारी आणि शेतकरी रस्त्याची पाहणी करण्यासाठी गेले होते. त्यावेळी शहाजी पाटील याने कमरेला लावलेले मिस्टल काढून धमकावल्याचा व्हिडीओ सोशल मीडियात व्हायरल झाला आहे. दरम्यान जोपर्यत रस्ता खुला करुन दिला जात नाही, तोपर्यत उपोषणावरुन उठणार नसल्याचा ठाम पवित्रा आंदोलक गावकऱ्यांनी घेतला आहे. शिवरस्ता अडवलेल्या शहाजी पाटील यांनी मोजणीच्या वेळेस तहसीलदार-पोलिस प्रशासनासमोरच पिस्तूल घेऊन शेतकऱ्यांना धमकावलं .