Ashadhi Ekadashi 2023 : आषाढीसाठी एसटी महामंडळ सज्ज; 5000 बसेसच्या क्षमतेचे पंढरपूरात स्थानक, 34 नव्या फ्लॅटफाॅर्मची उभारणी

Pandharpur Ashadhi Ekadashi 2023 : आषाढी एकादशी निमित्त लाखोंच्या संख्येने वारकरी, भक्त पंढरपूरात विठ्ठलाच्या दर्शनासाठी येत असतात. पंढरीत येणा-या भाविकांना उत्तम सुविधा देण्यासाठी प्रशासन सज्ज झाले आहे. पंढरपूरात महाराष्ट्रातील सर्वात मोठे नवीन बसस्थानक (Pandharpur Bus Stand) उभारण्यात आले आहे. नव्याने उभारण्यात आलेल्या बसस्थानकाची सुमारे 5000 बसेसची क्षमता आहे. (Maharashtra News)

आषाढी यात्रेच्या पार्श्वभूमीवर पंढरपुरात महाराष्ट्रातील सर्वात मोठे नवीन बसस्थानक उभारण्यात आले आहे. या नवीन बसस्थानका वरून बस गाड्या सोडण्यात येणार आहे. सुमारे 70 हजार स्क्वेअर फूट जागेवर बसस्थानक उभारण्यात आले आहे.

दोन विभागात उभारण्यात आलेल्या या बस स्थानकात 34 प्लॅटफॉर्म तयार करण्यात आल्या आहेत. येथे येणा-या भाविकांसाठी राहण्याची सोय करण्यात आली आहे. महिला आणि दिव्यांग प्रवाशांसाठी स्वच्छतेची आणि राहण्याची स्वतंत्र सोय करण्यात आली आहे. या बसस्थानकामध्ये दुकाने ही सुरू केली जाणार आहेत. त्यामुळे भाविकांना बसस्थनाक परिसरातच धार्मिक वस्तुंची खरेदी करणे सुलभ हाेणार आहे.

आषाढी एकादशी कधीपासून प्रारंभ?

आषाढी एकादशीचा प्रारंभ २९ जून २०२३ पहाटे ३ वाजून १८ मिनिटांनी ते समाप्तीः ३० जून २०२३ रोजी पहाटे २ वाजून ४२ मिनिटे भारतीय पंचांगानुसार, सूर्योदयाची तिथी मानण्याची प्राचीन परंपरा असल्यामुळे आषाढी एकादशी गुरुवार २९ जून २०२३ रोजी साजरी करण्यात येईल.

Edited By : Siddharth Latkar