उस्मानाबाद: मुलाची हत्या प्रकरण, पोलिसांच्या मदतीनेच खुनातील मुख्य आरोपी मोकाट

कैलास चौधरी

उस्मानाबाद : मागील आठ दिवसापूर्वी तुळजापूर तालुक्यातील सांगवी (मार्डी) येथील ५ वर्षीय ओम बागल या मुलाची हत्या करण्यात आली होती. यामध्ये एका १७ वर्षीय अल्पवयीन मुलावर गुन्हा दाखल करण्यात आला असून सदरील मुलाला अटक (Arrested) करण्यात आली आहे. मात्र, या हत्येत या १७ वर्षीय मुलाच्या आई वडिलांचा देखील समावेश असल्याचा आरोप नातेवाईकांनी केला आहे.

हे देखील पहा-

त्या अनुषंगाने ओम बागल याची आई मनीषा बागल आणि वडिल मनोज बागल यांच्या सहइतर नातेवाईकांनी पोलिस (Police) अधिक्षक निवा जैन यांना निवेदन (Statement) दिले आहे. १६ डिसेंबर दिवशी दुपारनंतर ओम बागल हा गायब झाला होता, त्याचा शोध घेतल्यानंतर शेजारी राहणाऱ्या दिलीप बागल याच्या घरात ओमचा मृतदेह आढळून आला होता. यामध्ये ओमची हत्या (killing) करण्यात आली असल्याचे निदर्शनास आले आहे.

त्यामुळे ओम बागलची हत्या ही तिघांनी मिळुन केली असल्याचा आरोप (Allegations) नातेवाईकांनी केला आहे. मात्र, यात पोलिस आरोपींना (accused) सहकार्य करत असून मुख्य आरोपी दिलीप बागल आणि वंदना बागल यांच्यावर अद्याप कुठलीही कारवाई (Action) करण्यात आली नसल्याचे म्हंटले आहे. हे दोन्ही आरोपी बाहेर असल्याने आमच्या कुटुंबावर (family) दबाव येत असून केस मागे घे असे म्हणत आहेत. त्यासोबतच घटना घडून ८ दिवस झाले, तरी अद्याप पोलिसांनी एफ.आय.आर (FIR) कॉपी आम्हाला दिली नाही. या खुनातील प्रकरणात पोलिसांकडून आरोपींना पाठीशी घातल्याचा आरोप केला जात आहे.

Edited By- Digambar Jadhav