मुंबईतील धारावी विकास प्रकल्पावरुन विरोधकांनी अदानी उद्योग समुहाला टार्गेट केलंय. मुंबईत अदानींविरोधात मोर्चाही काढण्यात आला. आता सरकारच्या आणखी एका निर्णयावरुन विरोधकांनी सरकारला आणि अदानी समुहावर निशाणा साधलाय.
चंद्रपूरमधील शाळा शालेय शिक्षण विभागाकडून अदानी समूहाला हस्तांतरीत करण्यात आलीये. माउंट कार्मेल कॉन्हेंट उच्च माध्यमिक शाळेचे व्यवस्थापन आता अहमदाबादचे अदानी फाऊंडेशन बघणार आहे.
स्वयंअर्थसहाय्य तत्त्वावर या शाळेला काही-अटी शर्थींसह हस्तांतरीत करण्यात आलंय. याबाबत राज्य शासनाने जीआर जारी केलाय. मंत्री दीपक केसरकर (deepak kesarkar) यांनी या निर्णयाचं समर्थन केलंय. तर देशाच व्यवस्थापनच सध्या अदानी चालवत आहेत, असं म्हणत संजय राऊत (sanjay raut) यांनी निशाणा साधलाय.
शाळेचा कारभार सरकारने अदानी समूहाकडे (adani group) देऊन महाराष्ट्र विक्रीला काढल्याची टीका होतेय. सगळ्याच क्षेत्रांवर अदानींचं नियंत्रण येत असून शिंदे सरकारचे (shinde government) हे पाप असल्याचा हल्लाबोल काँग्रेसने केलाय.
शालेय विद्यार्थ्यांना वेळेत गणवेश पुरविण्यात सरकार अपयशी ठरलंय. जे गणवेश दिलेत तेही माप न घेता निकृष्ट दिल्याचे प्रकार समोर आलेत. या ताज्या घटनांनी शिक्षण विभागाचा भोंगळ कारभार समोर आलेला असतानाच चंद्रपूरची शाळा हस्तांतरीत करण्याचा निर्णय वादात अडकलाय. या निर्णयामुळे राज्यातील इतर शाळांवरही परिणाम होण्याची शक्यता आहे. शिक्षणाचं बाजारीकरण होण्याची भिती व्यक्त होतेय.
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.