परतीच्या प्रवासात गणेशभक्तांना वाहतूक कोंडीचा फटका

रायगड: मुंबई-गोवा महामार्गावर माणगाव येथे वाहतूक कोंडी झाली आहे. कोकणातून मुंबईकडे येणाऱ्या मार्गावर प्रवाशांच्या चार किलोमीटर पर्यंत वाहनाच्या रांगा लागल्या आहेत. त्यामुळे परतीच्या प्रवासात चाकरमानी गणेशभक्तांना वाहतूक कोंडीचा सामना करावा लागला आहे. माणगाव पोलीस आणि वाहतूक पोलिसांकडून वाहतूक सुरळीत करण्याचा प्रयत्न सुरू आहे. (On the way back, Ganesh devotees were hit by a traffic jam)

हे देखील पहा -

गौरी गणपतीचे 14 सप्टेंबर रोजी विसर्जन झाल्यानंतर आज 15 सप्टेंबर रोजी कोकणातील चाकरमानी हे पुन्हा परतीच्या प्रवासाला लागले आहेत. मुंबई-गोवा महामार्गावर चाकरमानी गणेशभक्तांच्या वाहनाची संख्या वाढली असल्याने माणगाव येथे वाहतूक कोंडी झाली आहे. मुंबईकडे येणाऱ्या मार्गावर चार किलोमीटर पर्यत लांबच लांब रांगा लागल्या आहेत.

त्यामुळे परतीच्या प्रवासातही चाकरमान्यांना वाहतूक कोंडीला सामोरे जावे लागले आहे. वाहतूकही धीम्या गतीने सुरू असली तरी दोन ते तीन तास प्रवाशांना कोंडीतून निघण्यास वेळ लागत आहे.

Edited By - Akshay Baisane