बीड : राज्यात विधानसभा निवडणूक जाहीर झाल्यावर मराठा आंदोलक मनोज जरांगे पाटील यांनी शड्डू ठोकला आहे. मनोज जरांगे पाटील यांनी राज्याच्या राजकारणात डाव टाकण्यास सुरुवात केली आहे. निवडणूक जाहीर होताच मनोज जरांगे पाटील यांनी सत्ताधाऱ्यांना खुले आव्हान दिले. मनोज जरांगे पाटील यांनी आव्हान दिल्यानंतर ओबीसी बांधावांनी आक्रमक भूमिका घेतली आहे.
मनोज जरांगे पाटील यांनी विधानसभा निवडणुकीसाठी चाचपणी सुरुवात केली आहे. मनोज जरांगे पाटील यांनी राज्यातील सर्व मतदारसंघात मोर्चे बांधणी सुरु केल्याची चर्चा आहे. मात्र, मनोज जरांगे पाटील यांनी भूमिका जाहीर केलेली नाही. मात्र, त्यांनी राज्यात सर्व मतदारसंघात उमेदवार उभे करणार असल्याचे संकेत दिले आहेत.
ओबीसीतून मराठा आरक्षणाची मागणी करणारे मनोज जरांगे पाटील यांच्या भूमिकेनंतर ओबीसी बांधवांनी आक्रमक भूमिका घेतल्याची माहिती मिळत आहे. हिंमत असेल तर २८८ ठिकाणी उमेदवार उभे करा, पाडा,बघू कुणाचे पडतात, अस म्हणत ओबीसी बांधवांनी मनोज जरांगे पाटील यांना ओपन चॅलेंज दिलं आहे.
मनोज जरांगे पाटील हे काही दिवसांत इच्छुक उमेदवारांच्या मुलाखती घेणार आहेत. यावर ओबीसी बांधवांनी प्रतिक्रिया दिल्या आहेत. 'हिंमत असेल तर मनोज जरांगे पाटील यांनी २८८ ठिकाणी उमेदवार उभे करावेत, त्यांनी स्वत: उभ राहावं. पाडायचे तर पाडा, बघू कोण कोणाला पाडतंय, तर आम्हाला माहिती आहे की, जरांगे पाटील यांच्या पाठीमागे कोण आहेत? ते बारामतीचे आहेत'.
'बारामतीत ओबीसीचा आमदार होणार आहे. त्यामुळे त्यांनी त्यांचाच बघावं, मात्र आता आम्ही गेवराईत परिवर्तन करणार आहोत. मातब्बरांना आम्ही दे धक्का देणार आहोत. आम्ही या गेवराई विधानसभा मतदारसंघात 70 टक्के आहोत, मात्र अद्यापपर्यंत आमचा येथे आमदार नाही. यावेळेस मात्र या ठिकाणी आम्ही ओबीसीचाच आमदार करणार आहोत, असा निर्धार आता मनोज जरांगे पाटलांच्या भूमिकेनंतर ओबीसी बांधवांनी केला आहे.
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.