OBC जनगणना । केंद्र सरकारविरोधात मुंडन आंदोलन

भंडारा - ओबीसी समाजाची जनगणना करण्यात यावी व ओबीसी जनगणनेला विरोध करणाऱ्या केंद्र सरकारच्या निषेधार्थ ओबीसी क्रांति मोर्चाच्या वतीने भंडारा शहराच्या त्रिमूर्ति चौकात मुंडन आंदोलन करण्यात आले असून ओबीसी क्रांति मोर्चा संघटनेचे संयोजक संजय मते यांनी या आंदोलनाचे नेतृत्व केले.

हे देखील पहा -

केंद्रीय गृहराज्यमंत्री नित्यानंद राय यांनी ओबीसी जातीनिहाय जनगणनेला विरोध करणारे वक्तव्य अधिवेशनात केले आहे. याचा निषेध नोंदविण्यासाठी ओबीसी क्रांती मोर्चा मुंडन आंदोलन करून मोदी सरकारविरोधात आपला रोष व्यक्त करत असल्याचे यावेळी कार्यकर्त्यांकडून सांगण्यात आले.

ओबीसी बांधवांच्या उत्थानासाठी जातिनिहाय जनगणना गरजेची आहे. मात्र, केंद्र सरकारने याला तीव्र विरोध दर्शविला आहे. यासोबतच ओबीसी चे पदोन्नती आरक्षण व राजकीय आरक्षण रद्द करण्याचे षडयंत्र देखील केंद्र सरकारचेच असल्याचा आरोप संघटनेने केला आहे. याच्याच निषेधार्थ आणि ओबीसी समाजाचे रद्द करण्यात आलेले राजकीय आरक्षण पूर्ववत करण्यासाठी ओबीसी क्रांती मोर्चाने हे मुंडन आंदोलन केले आहे.

Edited By : Krushnarav Sathe