Tadoba : पर्यटकांनाे! ताडोबा-अंधारी व्याघ्र प्रकल्पात फिरा आता इलेक्ट्रिक जिप्सीतून

Chandrapur News :

चंद्रपूर जिल्ह्यातील ताडोबा-अंधारी व्याघ्र प्रकल्पात पर्यटनासाठी आता इलेक्ट्रिक जिप्सींचा पर्याय उपलब्ध झाला आहे. सध्या ताडोबाच्या मोहर्ली, मामला आणि कोलारा या ३ प्रवेशद्वारांवर या जिप्सी पर्यटकांना उपलब्ध करून देण्यात आल्या आहेत. (Maharashtra News)

ताडोबात पेट्रोलवर चालणाऱ्या जिप्सी वापरल्या जातात मात्र आता सफारीसाठी बॅटरीवर चालणाऱ्या म्हणजेच इलेक्ट्रिक जिप्सी प्रायोगिक तत्वावर उपलब्ध करून देण्यात आल्या आहेत. या जिप्सींमुळे ताडोबा परिसर प्रदूषणमुक्त होण्यास मदत होणार आहे.

सोबतच या जिप्सी अजिबात आवाज करत नसल्याने सफारी दरम्यान पशु-पक्ष्यांना होणारा त्रास कमी झाला आहे. त्यामुळे पर्यटकांना प्राणी आणि जंगल अगदी जवळून पाहता येते. सर्वात महत्वाचं म्हणजे या जिप्सींमुळे जिप्सीचालकांच्या खर्चात देखील मोठी बचत होणार आहे.

ताडोबाच्या एका सफारीसाठी जिप्सी चालकांना किमान ७०० ते ८०० रुपये खर्च येतो. आता इलेक्ट्रिक जिप्सीमुळे फक्त १५ रुपयांच्या चार्जिंगमध्ये एक सफारी पूर्ण करता येते. त्यामुळे जिप्सीचालक आणि पर्यटक इलेक्ट्रिक जिप्सींना जास्त प्रमाणात परवानगी देण्याची मागणी करताहेत.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

Edited By : Siddharth Lakar