Nanded Water Cut: नांदेडकरांनाे पाणी जपून वापरा! चार दिवस पाणीपुरवठा राहणार बंद, जाणून घ्या कारण

- संजय सूर्यवंशी

Nanded :

नांदेड शहराला पाणीपुरवठा करणाऱ्या विष्णुपुरी येथील पंप हाऊसमधील विद्युत मोटारीत तांत्रिक बिघाड झाला आहे. परिणामी विष्णुपुरी धरणातून होणारा पाणीपुरवठा ठप्प झाला आहे. दरम्यान पुढील चार दिवस नांदेड शहराला पाणीपुरवठा होणार नसल्याचे महापालिकेने कळविले आहे. (Maharashtra News)

नांदेड शहरातील उत्तर भागाचा तसेच देगलूरनाका, वजिराबाद आणि खडकपुरा भागात पुढील चार दिवस पाणीपुरवठा होणार नाही. त्यामुळे नांदेडकरांनी जपून पाण्याचा वापर करावा असे आवाहन महापालिकेच्या वतीने करण्यात आले आहे.

नांदेड महापालिकेच्या पाणीपुरवठा विभागाच्या वतीने दुरुस्तीचे काम युद्ध पातळीवर हाती घेण्यात आले आहे. सर्व यंत्रणा दुरुस्तीच्या कामाला लागल्या आहेत. परंतु हा तांत्रिक बिघाड दुरुस्तीसाठी जवळपास तीन ते चार दिवसाचा अवधी लागणार आहे. त्यामुळे नांदेडकरांनी महापालिकेस सहकार्य करावे असे आवाहन गिरीष कदम (अतिरिक्त आयुक्त महापालिका नांदेड) यांनी केले आहे.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

Edited By : Siddharth Latkar