Maharashtra Politics : विरोधी पक्ष नेते अजित पवार यांच्या संभाजी महाराज धर्मवीर नाहीत या वक्तव्यावरुन राज्यात सध्या बरेच राजकीय आरोप-प्रत्यारोप सुरु आहेत. अशातच अजित पवारांनी काल (4 डिसेंबर) पुन्हा एकदा आपण आपल्या मतावर ठाम असल्याचं म्हटलं पत्रकार परिषद घेऊन स्पष्ट केलं आहे.
यावेळी अजित पवारांना आमदार नितेश राणेंनी केलेल्या टीकेवर प्रतिक्रिया विचारण्यात आले. तेव्हा अजित पवारांनी त्या टिल्ल्याकडे लक्ष देण्याची गरज नाही, अशा शब्दांत आमदार नितेश राणे यांची खिल्ली उडवली. त्यावर आता नितेश राणे यांनी संतप्त प्रतिक्रिया दिली आहे.
"लघूशंकेनी धरणाची उंची वाढवणारे धरणवीर यांनी मला देवाने दिलेल्या शरीरयष्टीवरून भाष्य केले. यावरूनच त्यांची वैचारिक उंची कळाली आणि हे सिद्ध झाले की यांना ‘औरंग्यावरची ‘ टीका सहन होत नाही म्हणूनच यांचे काका छत्रपती शिवाजी महारांजाच्या समाधीपुढे कधीही नतमस्तक झाले नाही" अशी खोचक टीका नितेश राणे यांनी केली आहे. ट्विट करत त्यांनी ही टीका केली आहे.
काय नेमकं काय म्हणाले होते?
अजित पवारांनी काल (4 डिसेंबर) पुन्हा एकदा आपण आपल्या मतावर ठाम असल्याचं म्हटलं पत्रकार परिषद घेऊन स्पष्ट केलं आहे. यावेळी अजित पवारांना आमदार नितेश राणेंनी केलेल्या टीकेवर प्रतिक्रिया विचारण्यात आले. त्यावेळी अजित पवारांनी टिल्ल्या लोकांनी हे सांगण्याची गरज नाही. त्यांची उंची आणि झेप किती, त्यांना मी कशाला उत्तर देऊ. त्यांच्या आरोपांना पक्षाचे प्रवक्ते उत्तर देतील. असल्या लोकांच्या नादी लागत नसतो.
नितेश राणेंनी नेमकी काय केली होती टीका?
नितेश राणे ट्वीट करत म्हणाले, “आपण औरंगजेबाबाबत ‘औरंजगजेब क्रूर असता तर विष्णूचं मंदिरही तोडलं असता ना?’ असं केलेलं वक्तव्य स्वाभाविकच आहे. कारण आपले सर्वस्व यांची श्रद्धा औरंगजेबावर आहे, हे केव्हाच सिद्ध झालं आहे! कारण त्यांनी तहआयुष्यात कधीही आमच्या हिंदवी स्वराज्याचे संस्थापक छत्रपती शिवाजी महाराजांच्या समाधीवर एकदाही नतमस्तक केलं नाही किंवा रायगडाच्या दिशेने त्यांचे कधी पाय वळाले नाही,” असं म्हणत नितेश राणेंनी शरद पवारांवर टीका केली होती.
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.