Sindhudurg Live: संताेष परब हल्ला प्रकरण; नितेश राणेंच्या जामीन अर्जावर सुनावणी सुरु

- विनायक वंजारे

सिंधुदुर्ग : शिवसेनेचे कार्यकर्ते संताेष परब (santosh parab) यांच्यावर सिंधुदुर्ग जिल्हा बॅंकेच्या निवडणुकीपुर्वी हल्ला झाला हाेता. या प्रकरणात भाजपचे आमदार नितेश राणे (BJP MLA Nitesh Rane) हे सध्या न्यायालयीन काेठडीत आहेत. आज (मंगळवार) राणेंच्या जामीन अर्जावर जिल्हा सत्र न्यायालयात सुनावणी होत आहे. आज राणेंना न्यायालयात जामीन मिळणार की त्यांना उच्च न्यायालयात धाव घ्यावी लागणार याकडे सा-या जिल्हावासियांचे लक्ष लागून राहिले आहे. (Nitesh Rane Bail Updates)

आमदार नितेश राणेंची (nitesh rane) प्रकृती बिघडल्याने त्यांना साेमवारी काेल्हापूरातील (kolhapur) सीपीआर रुग्णालयात दाखल करण्यात आलं आहे. आज माजी खासदार निलेश राणे हे न्यायालयात आले आहेत. नितेश राणेंचे वकील संग्राम देसाई आणि सतिश मानेशिंदे यांच्यासमवेत निलेश राणेंनी (nilesh rane) यांनी चर्चा देखील केली.

विशेष सरकारी वकील प्रदीप घरत (pradeep gharat) हे देखील न्यायालयात पाेहचले आहेत. त्यांच्यासमवेत भुषण साळवी हे देखील आहेत. घरत आणि साळवी हे सरकार पक्षातर्फे युक्तिवाद करीत आहेत.

Edited By : Siddharth Latkar