Nitesh Rane : सांगून त्या 'पीआय'चा कार्यक्रम करणार : नितेश राणे

Nitesh Rane : राज्यातील काही पाेलिस निरीक्षक हे आजही महाविकास आघाडीचे सरकार असल्या सारखं वागत आहेत. काही पाेलिस (police) अधिकारी हे हिंदु विराेधी भुमिका घेत असल्याची तक्रार आमच्यापर्यंत आली आहे. त्या सर्वांची नावे आम्ही गृहमंत्री देवेंद्र फडवणीस यांच्यापर्यंत पाेहचविणार आहाेत. त्या सर्व पाेलिस निरीक्षकांचा सांगून (फडणवीसांना) कार्यक्रम करणार असे भाजप आमदार नितेश राणे (Nitesh Rane) यांनी आज सातारा येथील पत्रकार परिषदेत नमूद केले. (Breaking Marathi News)

सातारा जिल्ह्यातील पाटण येथे आज हिंदूत्ववादी संघटनांतर्फ आक्रोश मोर्चा काढण्यात आला. त्यानंतर आमदार नितेश राणे हे सातारा शहरात आले. त्यावेळी त्यांनी माध्यमांशी संवाद साधला. ते म्हणाले हिंदुवरील अत्याचार वाढले असल्याने मोर्चा काढला आहे. अजुन काही पोलिस (police) अधिकाऱ्यांना वाटते महाविकास आघाडीचे (mva) सरकार आहे.

राणे म्हणाले फलटण, महाबळेश्वर, सातारा, पाचगणी येथील पोलिस खात्यातले काही अधिकारी हिंदू विरोधी भूमिका घेत आहेत. त्याबाबत आमच्या कानावर तक्रारी आल्या आहेत. गृहमंत्री फडणवीस यांना संबंधितांच्याबद्दल आम्ही सांगणार आहाेत असेही राणेंनी नमूद केले. (Maharashtra News)

Edited By : Siddharth Latkar