प्रमोद जगताप, साम प्रतिनिधी
नवी दिल्ली: देशात पुन्हा एकदा एनडीएचं सरकार येणार असून नरेंद्र मोदी ९ जून रोजी पंतप्रधानपदाची शपथ घेणार आहेत. त्याचवेळी काही निर्वाचित खासदारांना खातेवाटप केली जाणार असून त्यांचाही शपथविधी होणार आहे. राज्यातील महायुतीत मित्रपक्ष असलेल्या शिवसेनेला पहिल्याच मंत्रिमंडाळ विस्तारात दोन खाती दिली जाणार आहेत. सुत्रांनी दिलेल्या माहितीनुसार तुर्तास एकाच खासदाराच्या गळ्यात मंत्रिपदाची माळ पडणार आहे. यामुळे या केंद्रीय मंत्रिपदावरून सेनेतील नेत्यांमध्ये रस्सीखेच सुरू झालीय.
मंत्रिपदासाठी शिवसेनेतील खासदार प्रतापराव जाधव आणि खासदार श्रीरंग बारणे यांच्यात रस्सीखेच सुरू केलीय. याच वादामुळे परवा होणाऱ्या शपथविधी सोहळ्यात एकाच कॅबिनेट मंत्र्याचा शपथविधी होणार असल्याची माहिती सुत्रांनी दिलीय.तर उर्वरित १ मंत्रिपद पुढील काळात दिलं जाईल असं आश्वासन शिवसेनेला दिलं जाणार आहे. यामुळे आता दोघांपैकी कोणाच्या गळ्यात मंत्रिपदाची माळ पडते याकडे लक्ष लागले आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.