Lok Sabha Election 2024: "ईव्हीएम नकाे, बॅलेट पेपरवर निवडणूक घ्या"; शरदचंद्र पवार गट आक्रमक

- रणजीत माजगावकर

Lok Sabha Election 2024 News:

ईव्हीएम द्वारे नको तर बॅलेट पेपर वर निवडणुका घ्या अशी मागणी आज (शुक्रवार) ज्येष्ठ नेते शरद पवार यांच्या राष्ट्रवादी काॅंग्रेस पक्ष शरदचंद्र पवार (Nationalist Congress Party - Sharadchandra Pawar) यांनी काेल्हापूर येथे केली. त्याबाबतचे निवेदन पदाधिका-यांनी जिल्हा प्रशासनास दिले. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

लोकसभा निवडणुका (lok sabha election 2024) या ईव्हीएम मशीनद्वारे घेण्याबाबत निवडणूक आयोगाने सुताेवाच केले. त्यानंतर राष्ट्रवादी काॅंग्रेस पक्ष शरदचंद्र पवार यांच्यावतीने कोल्हापुरात निदर्शने करण्यात आली.

राष्ट्रवादी काॅंग्रेस पक्ष शरदचंद्र पवार यांच्यावतीने आज कोल्हापूरच्या जिल्हाधिकारी कार्यालयासमोर जोरदार घोषणाबाजी करत ईव्हीएम मशीनद्वारे निवडणूक घेण्याला विरोध दर्शवला. (Maharashtra News)

याबाबतचे निवेदन पदाधिका-यांनी जिल्हाधिकाऱ्यांना दिले. ईव्हीएम बाबत तक्रारी वाढत असून निवडणुका बॅलेट पेपर वरतीच घ्याव्यात अन्यथा उग्र आंदोलन छेडण्याचा इशारा राष्ट्रवादी काॅंग्रेस पक्ष शरदचंद्र पवार याचे शहराध्यक्ष आर. के. पवार यांनी दिला आहे.

Edited By : Siddharth Latkar