राष्ट्रवादीचे आमदार बबनराव शिंदेसह पुत्राची ईडीकडून चौकशी

सोलापूर : राष्ट्रवादीचे आमदार बबनराव शिंदे (Baban Shinde) आणि त्यांचे पुत्र रणजितसिंह शिंदे (Ranjit Singh Shinde) यांची ईडीकडून चौकशी (ED Enquiry) झाली आहे. चौकशी झाल्याची माहिती सुत्रांकडून मिळाली आहे. राज्यात ईडीच्या कारवाया अजून देखील थांबलेल्या नाही. आता मुंबई (Mumbai)- पुण्यानंतर ग्रामीण (Rural) भागात देखील ईडीच्या कारवाया सुरू झाले आहेत. साखर कारखान्यातील शेतकऱ्यांच्या (farmers) नावावर परस्पर कर्ज काढणे. शेतकऱ्यांच्या नावावर उचललेले कर्ज कर्जमाफीत माफ करणे, गिरणी खरेदी याबरोबरच विविध विषयामध्ये ईडीकडून (ED) ३ वेळा चौकशी झाल्याची प्राथमिक माहिती मिळत आहे.

हे देखील पहा-

हे संपूर्ण प्रकरण ५०० कोटींच्या आसपास आहे. राष्ट्रवादीचे (NCP) आमदार बबनराव शिंदे हे शरद पवारांचे निकटवर्तीय मानले जात आहे. आतापर्यंत पिता पुत्राची ३ वेळा चौकशी झाली आहे. सहकार क्षेत्रात आमदार बबनराव शिंदे मोठे वजन देखील आहे. राष्ट्रवादीचे माढ्याचे आमदार बबनराव शिंदे कोणत्याही क्षणी जेलमध्ये होणार आहे. ईडीकडे सामाजिक कार्यकर्ते नागनाथ कदम आणि शिवसेना नेते संजय कोकाटे यांनी तक्रार केली होती. शेतकऱ्यांचा घामाचा पैसा त्यांना परत मिळवून देणार, वेळ प्रसंगी हायकोर्ट, सुप्रीम कोर्टाविरोधामध्ये (Supreme Court) आवाज उठवणार असे माढ्याचे शिवसेना नेते संजय कोकाटे यांनी सांगितले आहे. महाविकास आघाडी मित्रपक्ष असलेल्या शिवसेनेच्या नेत्याने राष्ट्रवादीचे आमदार बबनराव शिंदे यांच्याविरोधामध्ये ईडीकडे तक्रार दिली होती.

आम्ही सर्वजण सत्तेचा गैरवापर करावा या संस्कारात वाढलेले लोक नाही. आज धाड सुरू त्याचे आश्चर्य वाटत नाही. आम्ही चौकशी करत आहे. कोल्हापूरची बातमी आली की विचारतो पाहूणे येऊन गेले का? आम्ही प्रेमाने एकमेकांची चौकशी करत आहोत. त्याचं कारण देखील असे आहे, की स्वातंत्र्यानंतर एजन्सी आणि त्याचा वापर राजकीय विरोधकांना संपुष्टात आणण्यासाठी कधी कुणी केला नव्हता. १० वर्षाअगोदर ईडी हा शब्द माहीत नव्हता. आज ईडी शिवाय काही चालत नाही. आज याच्याकडे उद्या त्याच्याकडे. आता काही लोक निघाले आहेत. आम्ही तुमच्याकडे येणार आहे असे सांगत असतात. हे माहीत असून केंद्र सरकार त्यावर काही करत नाही. म्हणजे या भ्रष्टाचारात केंद्र देखील सहभागी आहे असे कुणी सांगितले तर त्याचे उत्तर त्यांना द्यावे लागणार असा टोला शरद पवारांनी भाजपला लगावला होता.

Edited By- Digambar Jadhav