शिक्षकी पेशाला काळिमा ! लग्नाचे आमिष दाखवून महिलेवर बलात्कार

हिंगोली : शिक्षक हा केवळ विद्यार्थीच नाही तर समाज घडवतो, असे सांगितले जाते. परंतु, हिंगोली जिल्ह्यामध्ये शिक्षकी पेशाला काळिमा फासणारी घटना घडली आहे. या शिक्षकाचे (teacher) महिलेसोबत प्रेम संबंध होते. शिक्षकाने फ्लॅट घेऊन देतो, घर घेऊन देतो आणि शेती (Agriculture) नावावर करून देतो म्हणत बलात्कार केल्याचे महिलेने सांगितले आहे. तसेच आंघोळ करतानाचे फोटो (Photo) काढून त्याद्वारे तिला ब्लॅकमेल करुन, सतत बलात्कार (sexual assualt) केल्याची घटना उघडकीस आली आहे.

हे देखील पहा-

हिंगोलीतील (Hingoli) सेनगाव येथे हा धक्कादायक प्रकार घडला आहे. या प्रकरणी गुन्हा दाखल झाला असून पोलीस (Police) आरोपीचा शोध घेत आहेत. मिळालेल्या माहितीनुसार, सेनगाव इथला रहिवासी असलेला शिक्षक मारोती कोटकर याने संबंधित महिलेबरोबर भाऊ असल्याचे सांगून जवळीक निर्माण केली होती. या शिक्षकाने महिलेचा पती घरी नसल्याची आणि ती घरात एकटीच असल्याची संधी साधत, तिचे आंघोळ करतानाचे फोटो काढले.

हे फोटो व्हायरल (Viral) करण्याची धमकी देत शिक्षकाने महिलेवर वारंवार बलात्कार केला आहे. या घटनेने जिल्ह्यात खळबळ माजली आहे. या प्रकरणी हिंगोली ग्रामीण पोलिसात गुन्हा दाखल करण्यात आला आहे. आरोपी शिक्षक पसार झाला असून पोलीस त्याचा शोध घेत आहेत.

Edited By- Digambar Jadhav