Crime News : घरफोडीतील सराईत गुन्हेगार ताब्यात; ५ गुन्ह्यांची उकल करत २० लाखांचा माल हस्तगत

सिद्धेश म्हात्रे 
नवी मुंबई : मागील काही दिवसांपूर्वी घरफोडी झाली होती. या घरफोडीचा तपास सुरु असताना एका संशयित सराईत गुन्हेगाराला कोपरखैरणे पोलिसांनी अटक केली आहे. (Police) पोलिसांनी ताब्यात घेतलेल्या संशयित आरोपीकडून २० लाखांचा मुद्देमाल हस्तगत केला आहे. (Breaking Marathi News)

नवी मुंबई (Navi Mumbai) परिसरातील बोनकोडे विभागात झालेल्या घरफोडीचा पोलिसांकडून तपास सुरु होता. याचा तपास सुरु असताना पोलिसांना गुप्त बातमीदारामार्फत आणि सीसीटीव्हीच्या आधारे मिळालेल्या माहितीनुसार कोपरखैरणे (Crime News) पोलिसांनी रिजवान खान या सराईत घरफोडी करणाऱ्या चोरट्याला जेरबंद केलं. यानंतर त्याची चौकशी करण्यात आली. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

१७ तोळे सोने हस्तगत 

पोलिसांनी सदर आरोपीची सखोल चौकशी केली असता त्याच्याकडून ५ गुन्ह्यांची उकल करण्यात आली आहे. तर या कारवाई दरम्यान तब्बल २० लाख रुपये किंमतीचे १७ तोळे सोन्याचे दागिने हस्तगत करण्यात कोपरखैरणे पोलीसांना यश आले आहे.