Cyber Crime : पोलीस अधिकारी असल्याचे भासवत फसवणूक; २ कोटी १८ लाखांचा लावला चुना, सायबर पोलीसात गुन्हा

सिद्धेश म्हात्रे 
नवी मुंबई : सायबर गुन्हेगारांकडून आर्थिक फसवणूक करण्याचे वेगवेगळे फंडे वापरले जात आहेत. अशाच प्रकारे नवी मुंबईत एकाला पोलीस अधिकारी असल्याचे भासविले. तसेच बँक खात्यातून मणी लॉन्डरिंग झाल्याचे सांगत तब्ब्ल २ कोटी १८ लाख रुपयात फसवणूक करण्यात आल्याचा प्रकार समोर आला आहे.  

नवी मुंबईत (Navi Mumbai) घडलेल्या या प्रकारात पोलीस अधिकारी असल्याचे भासवून तुमचे बेकायदेशीर पार्सल पकडले आहे. तसेच तुमच्या बँक खात्यातुन मनी लॉडरिंग झाल्याचे सांगत आर्थिक फसवणूक केल्याची घटना समोर आली आहे. फसवणूक करण्यासाठी आरोपीनी सेंट्रल ब्युरो ऑफ इन्व्हेस्टिगेशन (Cyber Crime) आणि सुप्रिम कोर्ट ऑफ इंडिया यांचे बनावट लेटर हेडचा वापर केला आहे. हे लेटर हेड पाठवुन फिर्यादींच्या खात्यावरील रक्कम सर्व्हेलंस करीता वेगवेगळ्या बँक खात्यावर ऑनलाईन पध्दतीने भरण्यास सांगितले. 

सायबर पोलिसात गुन्हा दाखल 

बँक खात्यात रक्कम भरण्यास सांगुन तब्बल दोन कोटी अठरा लाख रुपयांची आर्थिक फसवणुक करण्यात आली आहे. याप्रकरणी नवी मुंबईतील सायबर पोलीस ठाण्यात आयटी ऍक्ट नुसार गुन्हा दाखल करण्यात आला असून पोलीस अधिक तपास करत आहेत.