Nashik Bus Fire: नाशिकमध्ये पुन्हा बर्निंग बसचा थरार; छत्रपती संभाजीनगरला जाणारी शिवशाही बस जळून खाक

अजय सोनवणे, नाशिक

Nashik Shivshahi Bus Fire:

नाशिकमधून बसला आग लागल्याचं धक्कादायक वृत्त हाती आली आहे. नाशिकवरून छत्रपती संभाजीनगरला जाणाऱ्या शिवशाही एसटी बसला आग लागल्याची धक्कादायक घटना घडली आहे. या आगीत शिवशाही बस जळून खाक झाली आहे. नाशिक-छत्रपती संभाजीनगर राज्य मार्गावर ही घटना घडली आहे. (Latest Marathi News)

कुठे घडली घटना?

नाशिकमध्ये पुन्हा एकदा बसला अचानक आग लागल्याची घटना घडली आहे. नाशिकमध्ये शिवशाही एसटी बसला आग लागल्याची घटना घडली आहे. बसला अचानक लागलेल्या आगीत बस जळून खाक झाली आहे.

नाशिक-छत्रपती संभाजीनगर राज्य मार्गावर ही बसला आग लागल्याची घटना घडली. निफाड तालुक्यातील चांदोरी शिवारातील टाकळी फाट्याजवळी डोंगराई हॉटेलसमोर शिवशाही बस जळून खाक झाल्याची घटना घडली. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

बसमध्ये होते २५ प्रवासी

नाशिकवरून छत्रपती संभाजीनगरला जाणाऱ्या शिवशाही एसटी बसमध्ये एकूण २५ प्रवासी होते. याबसमधील प्रवासी आणि चालक वाहक सुखरूप आहेत. आगीचे कारण जरी अस्पष्ट असले तरी शॉर्टसर्किटमुळे आग लागण्याची प्राथमिक माहिती मिळाली आहे. बसला अचानक आग लागल्यानंतर बसमधील प्रवाशांमध्ये एकच घबराट पसरली होती.

नगरमध्ये ऊसाच्या ट्रकचा मोठा अपघात

अहमदनगरमध्ये शनिवारी श्रीरामपूर-संगमनेर रस्त्यावर खंडाळा गावात उसाने भरलेला ट्रक उलटल्यामुळे मोठा अपघात झाला. ऊसाने भरलेला ट्रक उलटल्याने त्याखाली दबून एका पादचारी महिलेचा मृत्यू झाल्याची घटना घडली आहे.

या घटनेत दोन जणांचा अपघात झाल्याची घटना घडली. शनिवारी सायंकळी सहा वाजण्याच्या सुमारास घडलेल्या घटनेने परिसरात एकच खळबळ उडाली. ऊसाने भरलेला ट्रक खंडाळा गावात उलटला. त्यावेळी रस्त्यावरून उषाबाई विघावे ही महिला ट्रकमधील ऊसाखाली दबली गेली. या घटनेत या महिलेचा दुर्देवी मृत्यू झाला आहे.