Nashik News: भोंदूबाबाकडून महिलेवर मायाजाल; सोन्‍याची पोत घेऊन झाला पसार

नाशिक : बसस्‍थानक परिसरात असलेल्‍या दुकानात भोंदूबाबा आला. त्‍याने महिलेला पुजा करायचे नाव सांगून पिशवीत सोन्‍याची पोत ठेवण्यास सांगितले. महिलेने असे केल्‍यानंतर भोंदूबाबा तेथून पसार झाला. याबाबत (Police) पोलिसात गुन्‍हा दाखल करण्यात आला आहे. (Live Marathi News)

नाशिकच्या येवला तालूक्यातील दरसुल येथील मधूमती रविंद्र शिंदे या महिला बसस्थानक परिसरात किराणा दुकान चालवित असतात. आज सकाळच्‍या सुमारास ग्राहक म्हणून आलेल्या एका भोंदुबाबाने त्यांना आपल्या जाळ्यात ओढत मला पुजा करायची आहे; असे सांगत खिशातून पैसे महिलेकडे दिले. हे पैसे तुमच्या गळ्यातील सोन्याच्या (Gold) पोतीला स्पर्श करुन दान पेटीत टाका. असे सांगून प्लास्टिक पिशवीत असलेल्या फुलांच्‍या बॅगमध्ये ठेवण्यास सांगितले.

पिशवी देवून पसार

यानंतर दुकानात आलेला हा भोंदू तेथून पसार झाला. जेव्हा महिलेने प्लास्टिक पिशवी तपासली. तेव्हा त्यांची पोत गायब झाल्‍याचे त्यांच्या लक्षात आले. त्यांनी आरडा-ओरड केली. मात्र ठग कुठेच दिसला नाही. अखेर येवला तालूका पोलिसात अज्ञात ठगा विरोधात गुन्हा दाखल करण्यात आला असून पोलिस त्याचा शोध घेत आहे.