तबरेज शेख
नाशिक : राज्य उत्पादन शुल्क विभागाच्या भरारी पथकाचे कार्यालयातून दारूची चोरी झाल्याची घटना समोर आली आहे. याच (Nashik) कार्यालयातून वारंवार दारूची चोरी (Theft) होत असल्याने त्याबाबत शंका उपस्थित होत आहे. (Live Marathi News)
पंचवटी इथल्या राज्य उत्पादन शुल्क कार्यालयात कोणी नसल्याची संधी साधत अज्ञात चोरट्यांनी पेठरोड (Crime) प्रादेशिक परिवहन कार्यालयाजवळ आदिवासी कॉलनी, बिल्डींग नं १ या ठिकाणी राज्य उत्पादन विभागाकडुन जप्त केलेला मुद्देमाल ठेवलेल्या गोडावुनच्या खिडकीचे गज कापुन तब्बल ४ लाख ८८ रुपये किंमतीचे विदेशी मद्याचे एकुण ६५ बॉक्स चोरून नेल्याची घटना समोर आली आहे.
गतवर्षीही दारूची चोरी
याच कार्यालयतून मागच्यावर्षी देखील दारूची चोरी झाली होती. त्यामुळे चोरी विषयी शंका उपस्थित होत आहे. आदिवासी कॉलनीत अनेक सरकारी कार्यालय आहेत. मुलामुलींचे वसतिगृह आहे. मात्र या ठिकाणी सुरक्षा रक्षक नाही. त्यामुळे या परिसरात वारंवार चोऱ्या होत असता. दारूच्‍या चोरीबाबत पंचवटी पोलीस स्टेशनमध्ये जयराम श्रावण जाखेरे यांच्या फिर्यादीहून गुन्हा दाखल करण्यात आला असून अधिक तपास पोलीस पी. एस. देवरे करीत आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
