Nashik News : नाशिक मध्यच्या जागेवरून अजूनही संभ्रम; उबाठा शिवसेना आणि काँग्रेसमध्ये मैत्रीपूर्ण लढत होण्याची शक्यता

तबरेज शेख 
नाशिक : नाशिक मध्य विधानसभा मतदार संघाच्या जागेवरून काँग्रेस आणि उबाठा गट शिवसेनेमध्ये वाद वाढण्याची शक्यता निर्माण झाली आहे. काँग्रेस व उबाठाच्या इच्छुक उमेदवांकडून उमेदवारी अर्ज दाखल करण्यात आला असून यामुळे महाविकास आघाडीत बिघाडी होण्याची शक्यता वर्तविण्यात येत आहे.  

राज्याच्या विधानसभा निवडणुकीत महाविकास आघाडी असो कि महायुती असो दोघांमध्ये बंडखोरी होत असल्याचे पाहण्यास मिळत आहे. जागा वाटपावरून नाराजीनाट्य पाहण्यास मिळत असल्याने पक्षांकडून उमेदवारी दिल्यानंतर देखील मित्र पक्षातील पदाधिकाऱ्यांकडून अपक्ष उमेदवारी केली जात असल्याचे पाहण्यास मिळत आहे. हेच चित्र (Nashik News) नाशिक मध्यमध्ये महाविकास आघाडीत पाहण्यास मिळत असून यातून बिघाडी होण्याची शक्यता देखील वर्तविली जात आहे. 

मध्य नाशिकमधून उबाठा गटाचे माजी आमदार वसंत गीते यांना उमेदवारी देण्यात आल्याने काँग्रेसमध्ये नाराजी दिसून येत आहे. तर (Congress) काँग्रेसकडून इच्छुक असलेल्या हेमलता पाटील यांनी आज उमेदवारी अर्ज भरला आहे. पक्षाने आदेश दिला तर मैत्री पूर्ण लढत करू, अन्यथा अपक्ष उमेदवार म्हणून निवडणूक लढवणार. त्यामुळे नाशिकमध्ये महाविकास आघाडी बिघाडी होण्याची शक्यता निर्माण झाली आहे.