Nashik Crime News: सिनेस्टाईल पाठलाग! पोलिसांकडून 54 लाखांचा अवैध मद्यसाठा जप्त, लोकांनी टाळ्या वाजवून केलं अभिनंदन

NashiK News: अवैध मद्य वाहतूक करणाऱ्या ट्रकचा सिनेस्टाईल 58 किलोमीटर पाठलाग करत तब्बल 54 लाखांचा मद्यसाठा पकडण्यात आला आहे. राज्य उत्पादन शुल्क विभागाच्या पथकाने चांदोरी चौफुलीवर कारवाई केली आहे. या प्रकरणात दोन्ही संशयितांना अटक केली आहे. (Latest Marathi News)

पोलिसांना विंचूर चौफुलीवर मोठी कारवाई केली आहे. पोलिसांनी कारवाई केल्यानंतर मद्यसाठा कुठे उतरणार होता, आता चौकशी सुरू आहे. येवला शहर परिसरात पोलिसांनी सापळा रचत कारवाई केली आहे.

पोलिसांनी कशी कारवाई केली?

पोलिसांनी विंचूर चौफुलीवर आल्याचे समजताच पथकाने तो थांबविण्याचा प्रयत्न केला. मात्र चालकाने ट्रक भरधाव चालवून पलायन केले. पथकाने ट्रकचा पाठलाग सुरू ठेवला, त्याला थांबवण्याचा इशारा दिला. मात्र ट्रक गर्दीतूनही वेगात पळत राहिला.

पोलिसांनी माईकद्वारे लोकांना बाजूला होण्याचे सांगत हा थरार चांदोरी चौफुलीवर थांबल्यानंतर लोकांनी टाळ्या वाजवून पथकाचे अभिनंदन केले. ट्रकची तपासणी केली असता गोवा राज्यात निर्मिती विदेशी मध्ये साठा आढळून आला. संशयित चालकाला पथकाने ताब्यात घेतलं आहे. या प्रकरणाची पुढील चौकशी राज्य उत्पादन शुल्क विभाग करत आहे.

साताऱ्यातही राज्य उत्पादन शुल्क विभागाची मोठी कारवाई

साताऱ्यात राज्य उत्पादन शुल्क विभागाणे जावळी तालुक्यात धडक कारवाई (Satara) केली आहे. यात दारूबंदी असलेल्या जावळी तालुक्यात तब्बल १ लाख १५ हजार ५०० रुपयांची दारू जप्त केली आहे.

गेल्या काही दिवसापासून सातारा जिल्ह्यातील दारूबंदी असलेल्या जावळी तालुक्यामध्ये चोरून दारू विक्री होत असल्याच्या तक्रारी समोर येत होत्या. त्यानुसार राज्य उत्पादन शुल्क विभागाने कारवाई केली आहे.