Nashik News : आदिवासी बांधवांचा कळवणमध्ये चक्का जाम; पेसा भरतीसाठी आदिवासी समाज आक्रमक

अजय सोनवणे

मनमाड (नाशिक) : राज्यातील १३ जिल्ह्यातील १७ संवर्ग पेसा नोकर भरती स्थगिती उठवून तात्काळ नोकर भरती करावी; यासाठी नाशिक शहरात मागील वीस दिवसांपासून उपोषण सुरू आहे. यावर शासनाकडून कोणतीही कार्यवाही होत नसल्याने अखेर आज चक्का जाम आंदोलनाचा हत्यार आदिवासी बांधवांनी हाती घेतले आहे.

पेसा अंतर्गत भरतीची प्रक्रिया राज्य शासनाकडून स्थगित करण्यात आली आहे. हि स्थगिती उठवून भरती प्रक्रिया राबविण्याच्या मागणीसाठी आदिवासी बांधव आक्रमक झाले आहेत. यासाठी (Nashik) नाशिकमध्ये मागील वीस दिवसांपासून आंदोलन सुरु करण्यात आले आहे. मात्र या आंदोलनाची दखल राज्य शासनाकडून अद्यापपर्यंत घेण्यात आली नसल्याने महाराष्ट्रातील आदिवासी बहुल विविध ठिकाणी आज चक्का जाम आंदोलन सुरू आहे. याच अनुषंगाने नाशिकमध्ये देखील हे आंदोलन करण्यात आले. 

नाशिक मार्ग पूर्णतः बंद 

कळवण तालुक्यातील कोल्हापूर फाटा याठिकाणी देखील कळवण तालुक्यातील विविध आदिवासी संघटना, लोकप्रतिनिधी व युवकांकडून चक्का जाम करण्यात आल आहे. तालुक्यातील विविध आदिवासी संघटना, विद्यार्थी तसेच पक्षाचे पदाधिकारी कळवण कोल्हापूर फाटा या ठिकाणी जमल्याने संपूर्ण नाशिक मार्ग बंद झाले आहे. फक्त वैद्यकीय सुविधा पुरवणारे वाहने सुरू आहेत.