मालेगावमध्ये १४ वर्षीय मुलीवर लैंगिक अत्याचार
स्थानिकांच्या मदतीने मुलीची सुटका
आरोपीला पोलिसांनी रंगेहात पकडून अटक
पोक्सो अंतर्गत गुन्हा दाखल
नाशिकच्या मालेगावमधील एका चिमुकलीवर अत्याचार करून तिची हत्या करण्यात आली. ही घटना ताजी असतानाच मालेगाव परिसरात पुन्हा एका १४ वर्षीय मुलीवर लैंगिक अत्याचार केल्याची धक्कादायक बातमी समोर आली आहे. या घटनेने परिसरात खळबळ उडाली असून नराधमाला पोलिसांनी बेड्या ठोकल्या आहेत. याशिवाय आरोपीवर पोक्सो अंतर्गत गुन्हा दाखल करण्यात आला आहे.
मिळालेल्या माहितीनुसार, नाशिक येथील मालेगाव परिसरात एका ५४ वर्षीय व्यक्तीने १४ वर्षीय मुलीला रस्त्यात गाठलं. तिला फूस लावून आपल्या दुचाकीवर बळजबरीने बसवलं. त्यानंतर दुचाकी सुसाट पळवत त्याने मुलीला गिरणा धरणावर नेले. आणि तेथे नेऊन त्याने त्यामुलीवर बलात्कार केला.
यादरम्यान मुलीच्या आरडाओरड्याने स्थानिकांच्या मनात शंकेची पाल चुकचुकली. त्यांनी तडक आवाजाच्या दिशेने धाव घेत आरोपीला रंगे हात पकडलं. शिवाय नराधमाच्या तावडीतून मुलीची सुटका देखील केली. त्यानंतर गावकऱ्यांनी घडलेला प्रकार पोलिसांना सांगितला. पोलिसांनी घटनेची माहिती मिळताच घटनास्थळी धाव घेतली आणि आरोपीला बेड्या ठोकल्या.
तसेच पीडित मुलीला पुढील उपचारासाठी रुग्णालयात दाखल केले आहे. दरम्यान आरोपीविरोधात पोलिसांनी पोक्सो अंतर्गत गुन्हा दाखल केला आहे. या घटनेने परिसरात खळबळ उडाली असून मुलींच्या सुरक्षिततेवर पुन्हा एकदा प्रश्नचिन्ह निर्माण झालं आहे. याशिवाय पालकवर्गातून संतप्त प्रतिक्रिया उमटत आहेत.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.