Nashik Fire News: नाशिकच्या सिन्नरमध्ये कंपनीला भीषण आग, धुराचे लोट आकाशाला भिडले

अभिजीत सोनवणे, नाशिक

Nashik Sinnar Fire News:

नाशिकमधून आगीचं मोठं वृत्त हाती आलं आहे. नाशिकच्या सिन्नरमधील औद्योगिक वसाहतीत कंपनीला आग लागल्याची घटना घडली आहे. या वसाहतीमधील आदिमा ऑरगॅनिक्स कंपनीला भीषण आग लागली आहे. या आगीच्या धुराचे प्रचंड लोट आकाशाला भिडले आहे. या भीषण आगीमुळे परिसरात खळबळ उडाली आहे. (Latest Marathi News)

मिळालेल्या माहितीनुसार, नाशिकमधील सिन्नरच्या मुसळगावमधील औद्योगिक वसाहतीत कंपनीला भीषण आग लागल्याची घटना घडली आहे. मुसळगावमधील आदिमा ऑरगॅनिक्स कंपनीला भीषण आग लागली आहे. या भीषण आगीमुळे परिसरात धुराचे प्रचंड लोट पसरले आहे. या कंपनीला आग नेमकी कशी लागली, याचे कारण अद्याप स्पष्ट झालेलं नाही. ('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

अग्निशमनदल घटनास्थळी

या कंपनीला आग लागल्यानंतर परिसरात नागरिकांमध्ये एकच खळबळ उडाली. कंपनीच्या परिसरातील नागरिकांनी तातडीने अग्निशमनदलाला माहिती दिली. कंपनीला आग लागल्याची माहिती मिळताच माळेगाव एमआयडीसी, सिन्नर नगरपरिषदेचे अग्निशमन दलाचे जवान घटनास्थळी पोहोचले.

कंपनीला लागलेली इतकी भीषण होती की, नाशिकहून देखील अग्निशमन दलाला पाचारण करण्यात आलं आहे. कंपनीत कुणी कामगार अडकलेत का? याबाबत अद्याप माहिती मिळू शकलेली नाही.