नाशिकमध्ये तब्बल 3 लाख दुबार मतदार; बोगस मतदारविरोधात शिंदेसेनाच मैदानात

राज्यात विरोधकांनी बोगस मतदारांवरून निवडणुक आयोगाविरोधात रानं उठवलयं..अशातच नाशिकमध्ये दुबार आणि बोगस मतदार नोंदणीचा मुद्दा ऐरणीवर आलाय.सत्ताधारी शिंदेसेनेतील पदाधिकाऱ्यांनीच या बोगस मतदारांविरोधात आक्रमक पवित्रा घेतलाय. शिंदेंसेनेनं नाशिक जिल्ह्यात आत्तापर्यंत तब्बल 3 लाख दुबार मतदारांची असल्याचा आरोप केलाय.

नाशिक जिल्ह्यात कोणत्या विधानसभा मतदारसंघात किती दुबार मतदार आहेत. पाहूयात. देवळाली विधानसभेत 61 हजार 6 दुबार मतदारांची नोंदणी झालीय. तर नाशिक पूर्व विधानसभेत 86 हजार 239 दुबार मतदार तर नाशिक पश्चिममध्ये 93 हजार 574 दुबार मतदारांची नोंदणी झाल्याचा आरोप शिंदेसेनेनं केलाय. त्याशिवाय नाशिक मध्य विधानसभेत 58 हजार 34 दुबार मतदारांची नोंदणी झाल्याचा दावा शिंदेसेनेनं केलाय. नाशिकमध्ये दुबार मतदारांची नोंदणी होत असताना नाव सारखेच, फोटो आणि वय मात्र वेगळं असा धक्कादायक प्रकार घडलाय.

दुसरीकडे राज्यातील संपर्ण मतदारयाद्याच थेट रद्द करा अशी धक्कादायक मागणीचं महसूलमंत्री बावनकुळेंनी निवडणुक आयोगाकडे केलीय. आधीच मतदारयाद्यांमधील घोळावरून विरोधकांनी आयोगाला धारेवर धरलयं. त्यातच आता सत्ताधारी नेत्यांनीच मतदारयाद्यांमधील घोळ उघड केल्यामुळे आयोगाच्या कारभारावर प्रश्नचिन्ह निर्माण झालंय.