Nashik Crime : दरोडेखोरांच्या हल्ल्यात वृद्धाचा मृत्यू; ६ लाखांची रोकडही लुटली, थरकाप उडवणारी घटना

नाशिकच्या अंबड परिसरात दरोडेखोरांनी शेतातील एका घरावर दरोडा टाकत वृद्ध व्यक्तीवर हल्ला चढवला.
Nashik Ambad Crime News
Nashik Ambad Crime NewsSaam TV

तबरेज शेख, साम टीव्ही

Nashik Crime News : नाशिकच्या अंबड परिसरात दरोडेखोरांनी शेतातील एका घरावर दरोडा टाकत वृद्ध व्यक्तीवर हल्ला चढवला. या हल्ल्यात वृद्धाचा जागीच मृत्यू झाला. शुक्रवारी रात्री ८ वाजेच्या सुमारास ही घटना घडली. जगन्नाथ सदाशिव कर्डिले (वय ६८ वर्ष) असं मृत्युमुखी पडलेल्या वृद्धाचे नाव आहे. याप्रकरणी अंबड पोलीस ठाण्यात अज्ञात दरोडेखोरांविरोधात गुन्हा दाखल करण्यात आला आहे. (Latest Marathi News)

Nashik Ambad Crime News
Baba Ramdev : बाबा रामदेव यांना ते वक्तव्य भोवणार? महिला आयोगाने पाठवली नोटीस

अंबड परिसरात एक्सलो पॉईंट (Nashik) येथे कर्डिले यांचे शेतात घर आहे. घरातील सर्व कुटुंब नातेवाईकांच्या लग्नाकरीता बाहेर गेले होते. जगन्नाथ कर्डिले यांना बरे वाटत नसल्याने ते घरी थांबले होते. हीच संधी साधून दरोडेखोरांनी (Crime News) रात्री ८ वाजेच्या सुमारास घरात प्रवेश केला. चोरी करत असताना कर्डिले यांनी दरोडेखोरांना प्रतिकार करण्याचा प्रयत्न केला.

मात्र, दरोडेखोरांनी त्यांच्यावर हल्ला चढवला. या हल्ल्यात कर्डिले यांचा जागीच मृत्यू झाला. यानंतर दरोडेखोरांनी घरातील सर्व साहित्य अस्ताव्यस्त करत कपाटात असलेली सुमारे ६ लाखांची रोकड लुटून नेली. प्रथमदर्शनी मिळालेल्या माहितीनुसार, दरोडेखोरांनी घरावर पाळत ठेवली होती.

सायंकाळी ७. ३० वाजता दोन ते तीन संशयितांनी घराची रेकी केली. यानंतर पाच ते सहा दरोडेखोरांनी घरात प्रवेश करत वृद्धाला ठार करत रोकड लुटून नेली. या घटनेमुळे परिसरात प्रचंड दहशत निर्माण झाली आहे. याप्रकरणी अंबड पोलिसांनी गुन्हा दाखल केला आहे. अज्ञात दरोडेखोरांना शोधण्याचे मोठे आव्हान पोलिसांसमोर आहे.

Edited By - Satish Daud

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam Marathi News
saamtv.esakal.com