Nashik Crime : बाप बनला हैवान! पोटच्या मुलीवर केले अत्याचार; नात्याला काळीमा फासणारी घटना

तबरेज शेख, साम टीव्ही

Nashik Crime News : नाशिकमधून बाप लेकीच्या नात्याला काळिमा फासणारी धक्कादायक घटना समोर आली आहे. एका नराधम बापानेच आपल्या सख्या मुलीलाच वासनेचा बळी बनवलं आहे. मुलीला बदनामीची धमकी देत नराधम बापाने तिच्यावर सलग पाच वर्ष अत्याचार केले. बापाकडून होणाऱ्या लैगिंक अत्याचाराच्या वेदना असह्य झाल्याने पीडित मुलीने थेट अंबड पोलिसांत तक्रार दिली. (Latest Marathi News)

याप्रकरणी पोलिसांनी पोक्सो कायद्याअंतर्गत गुन्हा दाखल केला असून नराधम बापाला अटक केली आहे. नाशिकमधील (Nashik) डीजीपीनगर परिसरात ही धक्कादायक घटना घडली. नराधम बापाने आपल्याच मुलीचे लचके तोडल्याचं समोर येताच, परिसरातून मोठा संताप व्यक्त केला जात आहे. पीडित मुलीच्या तक्रारीनुसार, घरात आई, बहीण आणि भाऊ नसतांना नराधम बाप संधी साधत अत्याचार करायचा. गेल्या पाच वर्षांपासून बापाकडून हे कृत्य सुरू होते.

याची वाच्यता कुणाकडे केल्यास आपलीच बदनामी होईल म्हणून पीडित मुलीला पित्याकडून धमकी दिली जात होती. 2016 पासून नराधम बापाचं हे क्रूर कृत्य (Crime News) सुरू होतं, असं पीडितेने आपल्या तक्रारीत म्हटलं आहे. दिवसेंदिवस बापाचं हे कृत्य वाढतच असल्याने पीडितेने अखेर अंबड पोलिसांत धाव घेतली. पीडितेच्या फिर्यादीवरून अंबड पोलिसांनी पोक्सो कायद्याअंतर्गत गुन्हा दाखल केला असून नराधम बापास बेड्या ठोकल्या आहेत.

Edited By - Satish Daud