Nashik Chandwad Accident : घाट उतरताना ब्रेक फेल, वाहन एकमेकांना धडकले, एक मृत्यू तर २२ गंभीर; मृतांचा आकडा वाढण्याची शक्यता

नाशिक : राज्यात अपघातांचं सत्र काही करता थांबत नाहीय. याचदरम्यान, नाशिक-चांदवडच्या राहुड घाटात एक भीषण अपघात झाला आहे. या घाटात ७ ते ८ वाहनांचा विचित्र अपघात झाला आहे. अपघात एक महिला ठार तर २० ते २२ जण गंभीर जखमी झाले आहेत. एका वाहनाचे ब्रेक फेल झाल्याने वाहने एकमेकांवर आदळून हा अपघात झाला आहे.

जखमींवर चांदवड उपजिल्हा रुग्णालयात उपचार सुरू आहेत. घाट उतरत असताना हा अपघात झाला आहे. मृतांचा आकडा वाढण्याची शक्यता वर्तवण्यात आली आहे. या अपघातामुळे वाहतूक पूर्णपणे ठप्प झाल्याचं समोर आलं आहे. स्थानिक नागरिक मदतीसाठी पुढे सरसावले आहेत.

घाट उतरताना एका वाहनाचा ब्रेक फेल झाला. त्याने पुढे असलेल्या वाहनाला ठोकले, तो जोरात पुढे गेला आणि त्याने अनेक वाहनांना धडक दिली. विशेष बाब म्हणजे, आज दोन वेळा अशा प्रकारचा अपघात झाला आहे. यापूर्वी संध्याकाळी तीन वाहनांचा घाटात अपघात झाला होता. त्यानंतर हा पुन्हा मोठा अपघात आहे. यात अजून किती जण दगावले याचा आकडा समोर येत नाही, अशी माहिती आमचे प्रतिनिधी यांनी दिली आहे.