मुंबई: महाराष्ट्रातील (Maharashtra) महाविकास आघाडीचं Mahavikas Aghadi Government सरकार लवकरचं पडणार आहे. हे सरकार जास्त काळ टिकणारं नाही, असे विरोधी पक्षातील नेते वारंवार बोलत असतात. त्यातच आता भाजपचे नेते आणि केंद्रीय मंत्री नारायण राणे (Narayan Rane) यांनी महाराष्ट्राच्या राजकारणाबाबत एक मोठं वक्तव्य केले आहे. ते म्हणाले आहेत की, महाराष्ट्रातील मविआ सरकार मार्च महिन्यात कोसळणार आहे असा खळबजनक दावा नारायण राणेंनी केला आहे.
मार्च महिन्यात महाविकास आघाडी सरकार कोसळल्यावर महाराष्ट्रात पुन्हा भाजपचे सरकार येणार अशी राजकीय भविष्यवाणी नारायण राणे यांनी केली आहे. नारायण राणे आज हे शुक्रवारी जयपूर दौऱ्यावर होते त्यावेळी त्यांनी ही भविष्यवाणी केली आहे.
व्हिडीओ-
यावेळी नेमकं काय म्हणाले नारायण राणे?
नारायण राणे म्हणाले, महाराष्ट्रात भाजपचे सरकार नाही, त्यामुळे तिथे तसे होत आहे. लवकरच महाराष्ट्रात भाजपचं सरकार येईल येत्या मार्च महिन्यात भाजपचे सरकार येईल आणि तुम्हाला सर्वांना अपेक्षित असा बदल दिसून येणार.
यावेळी, नारायण राणे पुढे म्हणाले काही गोष्टी गुप्त ठेवाव्या लागतात. गोष्टी जाहीरपणे गेल्या तर एखादा महिना सरकार आणखी राहिल. मग भाजपचे सरकार येण्याची तारीख पुढे जाईल.
अनिल परब यांची राणे यांच्या भविष्यवाणीवर प्रतिक्रिया;
नारायण राणे यांनी सरकारविषयक केलेल्या भविष्यवाणीवर, परिवहन मंत्री अनिल परब (Anil Parab) यांनी प्रतिक्रिया देताना म्हटलं, राणे काय म्हणतात यावर सरकार चालत नाही. सरकार संख्या बळावर चालते आणि आघाडी सरकारकडे पूर्ण संख्याबळ आहे. हे सरकार 5 वर्षे पूर्ण करेल.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
