Nandurbar News: काही मिनिटातच होत्‍याचे नव्‍हते झाले; आगीत घर जळून खाक, कुटुंब उघड्यावर

सागर निकवाडे

नंदूरबार : नंदूरबार जिल्ह्यातील धडगाव तालुक्यातील भुजगाव गावातील येथील घराला रात्री आग (Fire) लागून संपूर्ण घर जळून खाक झाल्याची दुर्दैवी घटना घडली आहे. सुनिल पेचरा पाडवी यांचे संपूर्ण कुटुंब बाहेर गेलेले असतांना घरात कोणी नसतांना (Nandurbar News) सदर घटना घडली. घराला लागलेल्या आगीत जीवनावश्यक वस्तू, धान्य, महत्वाची कागदपत्रे आणि कपडेलत्ते जळून खाक झाल्याची प्राथमिक माहिती प्रत्यक्ष दर्शनी दिली आहे. (Live Marathi News)

भुजगाव (ता. धडगाव) येथे झालेल्‍या आगीच्‍या घटनेत प्रत्यक्षदर्शीनी दिलेल्या माहितीनुसार रात्रीच्या अंधारात आगीचे लोड उठल्याने आजूबाजूच्या नागरिकांना दिसून आले. यानंतर जवळपासच्या नागरिकांनी मिळेल त्या भांड्यांमध्ये पाणी आणून आग विझविण्याचा प्रयत्न केला. परंतु सुनिल पेचरा पाडवी यांचे घर टेकडीवर असल्याने वाऱ्यामुळे आगीने संपूर्ण घर भस्मसात झाल्याने आगीवर नियंत्रण मिळविणे कठीण झाले होते.

कुटुंब उघड्यावर

धडगाव नगरपंचायतीच्या अग्निशमक दलाला संपर्क केल्याने तात्काळ अग्निशमक दलाची दाखल होत संपूर्ण आग विझवली. तोपर्यंत घरातील जीवनावश्यक वस्तू, धान्य, घराचे दांड्या लाकूडसह जळून खाक झाल्याने लाखोंचे नुकसान झाले आहे. सुनिल पाडवी या गरीब परिवाराच्या घराला आग लागून उभा संसार काही मिनिटातच जळून राख झाला आहे. अंगावरच्या कपड्यांव्यतिरिक्त काहीही वाचले नाही. आगीचे कारण अद्याप समजू शकलेले नाही. महसूल विभागाच्यावतीने सदर आगीमुळे नुकसान झालेल्यांना पंचनामा करून नुकसान भरपाई द्यावी; अशी मागणी ग्रामस्थांनी केली आहॆ.