शहादा (नंदुरबार) : शहादा पंचायत समिती कार्यालय परिसरात केंद्रीय राज्य राखीव दलातील निवृत्त कर्मचाऱ्याच्या (Nandurbar) मोटारसायकलच्या डिकीतून अडीच लाख रुपये चोरून नेल्याची घटना घडली. ही घटना (CCTV) सीसीटीव्हीमध्ये कैद झाली असून, चोरट्यांनी तोंडाला कपडा बांधल्याने ते त्यांची ओळख पटू शकलेली नाही. (Live Marathi News)
निवृत्त केंद्रीय राज्य राखीव दलाचे जवान किशोर आत्माराम पाटील (रा. फेस, ता. शहादा) यांनी ८ फेब्रुवारीला स्टेट बँक शहादा (Shahada) येथून अडीच लाख रुपयांची रक्कम काढली. त्यांनी हि रोकड मोटारसायकलच्या डिक्कीत कापडी पिशवीत ठेवली. यानंतर ते दुपारी पावणेदोनला ग्रामपंचयातीच्या कामानिमित्त शहादा पंचायत समिती कार्यालयात आले. यावेळी मोटारसायकल पंचायत समितीच्या आवारात लावून ते बांधकाम विभागाच्या दालनात गेले. मात्र किशोर पाटील पुन्हा मोटारसायकल उभी (Crime News) असलेल्या ठिकाणी आले तेव्हा त्यांना त्यांची डिक्की उघडी दिसली. यात पहिले असता त्यातील रक्कम त्यात दिसून आली नाही. त्यानंतर चोरी झाल्याचे स्पष्ट झाले. याबाबत किशोर पाटील यांच्या फिर्यादीवरून शहादा पोलिसांत गुन्हा दाखल करण्यात आला. हवालदार संजय ठाकूर तपास करत आहेत.
('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)
सीसीटीव्हीत कैद
दरम्यान, पंचायत समिती कार्यालयात जाऊन सीसीटीव्ही फुटेज तपासले असता काळ्या रंगाच्या विनाक्रमांकाच्या मोटारसायकलीवरून आलेल्या दोघांनी रक्कम लंपास केल्याचे स्पष्ट झाले. त्याआधारे पोलिसांनी चोरट्यांचा शोध घेण्याचा प्रयत्न केला, मात्र त्यांना यश आले नाही.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.