Nandurbar News : शहादा शहरात दगडफेक; मंदिरावर थुंकल्याने शहरात तणाव

सागर निकवाडे 
नंदुरबार : नंदुरबार जिल्ह्यातील शहादा शहरात दोन गटात वाद झाल्याने शहरात तणाव निर्माण झाला (Nandurbar) आहे. दत्त मंदिरावर कोणीतरी थुंकल्याने हा तणाव निर्माण झाला असून शहादा (Shahada) शरातील कुकडेल परिसरात दगडफेक करत महिलांना मारहाण झाल्याचा प्रकार घडला आहे. (Tajya Batmya)

नंदुरबार जिल्ह्यातील शहादा शहरातील साडी गल्ली परिसरातून ईदचा जुलूस जात होता. या दरम्यान या परिसरात असलेल्या दत्त मंदिरावर थुंकल्या प्रकरणी वाद चिघळला असल्याची माहिती मिळाली आहे. या कारणामुळे दोन गट एकमेकांसमोर येत भिडले आहेत. या वादाची बातमी कळताच घटनास्थळावर मोठ्या प्रमाणात पोलीस बंदोबस्त तैनात करण्यात आले आहे. 

दगडफेकीत काहीजण जखमी 
मंदिरावर थुंकल्याने वाद झाल्यानंतर जमवाने  दगडफेक केली आहे. शहादा शहरातील कुकडेल परिसरात दगडफेक करत महिलांना मारहाण केल्याचा आरोप करण्यात आला आहे. या दगडफेकीत पाच ते सहा वाहनांची तोडफोड झाली असून काही जण जखमी झाल्याची माहिती समोर आली आहे.